Bota

“Pas shumë reflektimesh, kam marrë vendimin e vështirë”/ Mira Murati njofton largimin nga OpenAI: Nuk ka kurrë një kohë ideale për tu larguar

Murati ka qenë pjesë e kompanisë që krijoi ChatGPT për gjashtë vjet e gjysmë, dhe për pak kohë shërbeu si CEO në nëntor kur bordi shkarkoi bashkëthemeluesin Sam Altman.

25 Shtator 2024, 22:24 Nga E. D
“Pas shumë reflektimesh, kam marrë vendimin e
Mira Murati

SHBA- Shefja e Teknologjisë e OpenAI e mbështetur nga Microsoft, Mira Murati ka njoftuar se do të largohet nga firma e Inteligjencës Artificiale. Murati ka qenë pjesë e kompanisë që krijoi ChatGPT për gjashtë vjet e gjysmë, dhe për pak kohë shërbeu si CEO në nëntor kur bordi shkarkoi bashkëthemeluesin Sam Altman.

“Pas shumë reflektimeve, kam marrë vendimin e vështirë për t’u larguar nga OpenAI. Nuk ka kurrë një kohë ideale për t’u larguar nga një vend që dikush e pëlqejnë, megjithatë, ky moment ndihet i duhuri," shkroi ajo. 

Murati, e cila ka origjinë shqiptare është drejtuesja më e fundit e nivelit të lartë që largohet nga startup-i. Bashkëthemeluesi i OpenAI Ilya Sutskever dhe ish-udhëheqësi i sigurisë Jan Leike njoftuan largimet e tyre në maj. Bashkëthemeluesi John Schulman tha muajin e kaluar se ai po largohej për t’iu bashkuar rivalit Anthropic. Gjithashtu Murati shkroi se ajo po largohet sepse kërkon të krijojë kohën dhe hapësirën për të bërë eksplorimin e saj.

“Për momentin, fokusi im kryesor është të bëj gjithçka në fuqinë time për të siguruar një tranzicion të qetë, duke ruajtur momentin që kemi ndërtuar”, u shpreh Murati.

OpenAI, kompania e mbështetur nga Microsoft dhe që qëndron pas ChatGPT dhe SearchGPT, aktualisht po ndjek një raund financimi që do ta vlerësonte kompaninë në më shumë se 150 miliardë dollarë, sipas burimeve të njohura me situatën, të cilët kërkuan të mos përmendet, sepse detajet nuk janë bërë publike. Thrive Capital po udhëheq raundin dhe planifikon të investojë 1 miliard dollarë, dhe Tiger Global po planifikon të bashkohet gjithashtu. Microsoft, Nvidia dhe Apple thuhet se janë gjithashtu në bisedime për të investuar.

 

mira murati

Sondazh

Poll

MË SHUMË