Kolegji vendosi në mënyrë unanime lënien në fuqi të konfirmimit në detyrë të prokurorit të Tiranës, Saimir Hysa, duke aplikuar parimin e objektivitetit dhe proporcionalitetit lidhur me gjetjet për një çështje dhe bilancin negativ të shtrirë në vite, që u cilësua modest.
TIRANA- Kolegji i Posaçëm i Apelimit, KPA shpalli të mërkurën më 25 shtator vendimin për lënien në fuqi të konfirmimit të prokurorit të Tiranës, Saimir Hysa. Prokurori Hysa u konfirmua në detyrë nga Komisioni i Pavarur i Kualifikimit, KPK më 10 gusht të vitit të kaluar. Dy çështje të verifikuara prej tij u dërguan për vlerësim pranë Inspektorit të Lartë të Drejtësisë.
Ndërkohë, Operacioni Ndërkombëtar i Monitorimit, ONM rekomandoi apelimin e vendimarrjes së Komisionit, duke sugjeruar që disa prej gjetjeve në kriterin profesional dhe atë të pasurisë, të verifikoheshin nga KPA. Bazuar në këtë rekomandim, Komisioneri Ballhysa ushtroi ankim, duke kërkuar në përfundim gjatë konkluzioneve përfundimtare të hënën, konsiderimin e gjetjeve në kriterin e pasurisë dhe të profesionalizmit në vlerësimin tërësor të çështjes, si dhe shkarkimin e këtij subjekti rivlerësimi.
Prokurori Hysa i kundërshtoi si të pabazuara shkaqet e ankimit duke theksuar se pasuria e tij është e provuar, si dhe se figura e tij është e konfirmuar nga gjithë institucionet përkatëse. Ai këmbënguli se kishte kryer si duhet detyrën e tij dhe vërejti se nuk mund të cënohej vendimi i Komisionit nga disa letra të dërguara në institucionet e vetingut, si dhe kërkoi lënien në fuqi të konfirmimit.
Kryesuesja e trupit gjykues të Kolegjit, Rezarta Schuetz lexoi të mërkurën vendimin e përmbledhur për Hysën. Ajo vërejti se disa prej pretendimeve të Komisionerit në lidhje me kriterin profesional nuk qëndronin. Megjithatë, u evidentua se për një vendim mosfillimi, subjekti ka dështuar të bëjë verifikimet e duhura para se të arrinte në konkluzionin përfundimtar, pavarësisht paqartësive që mund të kishte pasur kallëzimi.
Kjo gjetje, së bashku me një bilanc negativ total në shumën rreth 780 mijë lekë të shtrirë në vite për krijimin e disa pasurive, u çmuan në parimin e proporcionalitetit dhe objektivitetit, si të pamjaftueshme për të ndryshuar vendimin e Komisionit për prokurorin Hysa./ BIRN
Foto nga operacioni TIRANA- 26-vjeçari Shkëlqim Saraçi është arrestuar ndërsa një 24-vjeçar ne inic...
Baba Mondi TIRANË- Ndërkohë që diskutimet për shtetin e ri bektashinj janë kthyer në temë dite, Kryegjyshata Bektas...
TIRANË- Gentian Kadillari alias Endri Zyli Imeraj 46 vjeç, është arrestuar ditën e sotme në Tiranë, pasi rezulton se...
Foto ilustruese DURRËS- Një operacion antidrogë ndërkombëtar është duke u zhvilluar në disa shtete, mes tyre d...
sokol mëngjesi TIRANË- Avokati Sokol Mëngjesi ka depozituar një kërkesë në Gjykatën e Tiranës për heqjen...
kanali SHKODËR- Është publikuar fotoja e efektivit që ka ndërruar jetë mbrëmjen e djeshme si pasojë e një aksi...
foto ilustruese BERAT- Shoferi i automjetit që përplasi mjetin bujqqësor ku ndodhenin tre persona, dy prej të cilëve vdiqën &...
roland pula dhe dy vellezerit TIRANË- Prokuroria e Tiranës ka kërkuar burg të perjetshëm për Roland Pulën si autor i dys...
Behar Bajri dhe Ervis Martinaj TIRANË- Trafiku i kokainës nga vendet e Amerikës Latine drejt porteve të Evropës, ishte një sp...
Bizhga dhe Rrumbullaku TIRANË- Një urdhër i dytë i ish-Drejtorit të Përgjithshëm të Policisë së Shtetit, ...