Bota

Pas njohjes së shtetit palestinez në maj, mbreti i Spanjës pret ambasadorin e parë të Palestinës

Që nga fillimi i shtatorit, kryeministri socialist Pedro Sanchez ka njoftuar se samiti i parë dypalësh midis Spanjës dhe Palestinës do të mbahet deri në fund të vitit.

16 Shtator 2024, 17:51 Nga r.ll
Pas njohjes së shtetit palestinez në maj, mbreti i Spanjës pret
mbreti philip VI

SPANJË- Mbreti Philip VI i Spanjës mori sot letrat kredenciale të Hosni Abdel Wahed, ambasadorit të parë të shtetit palestinez në Spanjë, pas njohjes së tij nga Madridi në maj. Kreu i shtetit spanjoll priti Hosni Abdel Wahid në Pallatin e Madridit për ceremoninë e prezantimit të letrave kredenciale, sipas imazheve të postuara nga shtëpia mbretërore në Platformën X.

Hosni Abdel Wahed, i cili ka qenë kreu i misionit diplomatik të Palestinës në Spanjë që nga viti 2022 dhe gëzonte një status të ngjashëm me atë të ambasadorit, ndryshoi zyrtarisht gradën diplomatike pasi Madridi njohu shtetin palestinez disa muaj më parë. Më 28 maj, qeveria progresive e Spanjës, si ajo e Irlandës dhe Norvegjisë, njohu Palestinën si shtet.

Që nga fillimi i shtatorit, kryeministri socialist Pedro Sanchez ka njoftuar se samiti i parë dypalësh midis Spanjës dhe Palestinës do të mbahet deri në fund të vitit.

Spanja ka marrë që në fillim të konfliktit në Gaza një pozicion shumë kritik ndaj Izraelit. Duke hyrë në muajin e 12-të, lufta që shpërtheu pasi Hamasi sulmoi Izraelin ka vrarë 1205 njerëz, shumica e tyre civilë, sipas një raporti të AFP-së bazuar në shifrat zyrtare izraelite, ku përfshihen edhe pengjet që mbaheshin robër.

Nga 251 personat e rrëmbyer gjatë atij sulmi, 97 mbahen ende në Rripin e Gazës, nga të cilët 33 janë të vdekur, tha ushtria. Fushata ushtarake izraelite e hakmarrjes në Rripin e Gazës ka vrarë tashmë 41,226 njerëz, sipas ministrisë së shëndetësisë të qeverisë së Hamasit për Gazën, e cila nuk specifikoi numrin e luftëtarëve dhe civilëve të vdekur.

mbreti philip vi

Sondazh

Poll

MË SHUMË