Sport

Vllaznia befason Teutën ‘in extremis’ me Balajn, shkodranët fitojnë në “Niko Dovana”

Në javën e 5-të të Abissnet Superiores, Vllaznia mposhti 2-1 Teutën në në kohën shtesë

15 Shtator 2024, 21:47 Nga DOSJA

Vllaznia befason Teutën ‘in extremis’ me Balajn,

DURRES - Ishte një sfidë e luftuar fort deri në fund dhe këtë e tregoi edhe momenti i golit të fitores, që u regjistrua në minutën e 95-të të ndeshjes.

Kuqeblutë e Vllaznisë kanë arritur një fitore sa të madhe aq edhe befasuese në “Niko Dovana”, duke mposhtur me rezultatin e ngushtë 2-1 ‘Djemtë e detit’ të Teutës në përballjen e javës së pestë të Superiores.

Për shkodranët golat erdhën nga Mala e Balaj, të cilët gjetën rrugën e rrjetës në minutat 20 dhe 95, ndërsa për vendasit golin e shënoi Saleh Nasr në minutën e 57-të, duke mundur të barazonte përkohësisht shifrat, por asgjë më shumë.

Pas kësaj ndeshjeje, Vllaznia është ngjitur përkohësisht në krye të renditjes me 10 pikët e grumbulluara, po aq sa Egnatia, por me golaverazh më të mirë.

Shkodranët, në pesë javët e para të kampionatit, pas tre fitoreve të arritura, kanë pësuar edhe një humbje, si dhe kanë regjistruar një barazim.

B.T (Dosja.al)

Sondazh

Poll

MË SHUMË