Bota

VIDEO/ Macron e emëroi kryeministër, mijëra francezë në protestë kundër Michel Barnier

Firma e sondazheve Elabe publikoi dje një sondazh, sipas të cilit 74% e francezëve besojnë se Macron injoroi rezultatin e zgjedhjeve, ndërsa 55% vlerësuan se ai e manipuloi atë.

7 Shtator 2024, 15:33 Nga S.B
VIDEO/ Macron e emëroi kryeministër, mijëra francezë në
pamje nga ngjarja

FRANCË- Mijëra njerëz dolën sot në Francë për të protestuar kundër vendimit të presidentit francez Emmanuel Macron për të emëruar Michel Barnier si kryeministër, me partitë e majta që e akuzojnë atë për manipulim të zgjedhjeve. Macron emëroi të enjten 73-vjeçarin Barnier, një konservator dhe ish-negociator për Brexit të BE-së, si kryeministër pas dy muajsh kërkimi për personin e duhur.

Barnier përballet me sfidën e shtyrjes së reformave dhe hartimit të buxhetit të vitit 2025, pasi Franca është nën presionin e Komisionit Evropian për të reduktuar deficitin e saj. Firma e sondazheve Elabe publikoi dje një sondazh, sipas të cilit 74% e francezëve besojnë se Macron injoroi rezultatin e zgjedhjeve, ndërsa 55% vlerësuan se ai e manipuloi atë.

Ndërkohë, Barnier po vijon sot konsultimet për formimin e qeverisë, një detyrë e vështirë pasi përballet me mundësinë e mosmarrjes së votëbesimit nga parlamenti, kur në fillim të tetorit duhet të diskutohet projektbuxheti për vitin 2025.

france proteste

Sondazh

Poll

MË SHUMË