Aktualitet

Nis nesër regjistrimi i maturantëve fitues në universitete, ja dokumentet që duhet të paraqesin

Këtë vit 19 713 maturantë kanë plotësuar formularin A2.

29 Gusht 2024, 15:59 Nga S.B
Nis nesër regjistrimi i maturantëve fitues në universitete, ja
foto ilustruese

TIRANË- Ditën e nesërme (30 gusht) do të hapen shtatë fazat 48 orëshe për regjistrimin e maturantëve fitues në universitete (private apo publike). Të gjithë maturantët të cilët kanë fituar një ose disa degë do të kenë 48 orë kohë në dispozicion për të bërë zgjedhjen e tyre.

Për regjistrimin duhet që maturanti të paraqitet në universitetin përkatës me kartën e ID, diplomën e shkollës së mesme, listën e notave si dhe dy fotografi. Për ata maturantë të cilët regjistrohen në një degë por në raundin e dytë fitojnë një degë që u përshtatet më shumë, janë të lirë të ç’regjistrohen dhe të zgjedhin universitetin tjetër.

Këtë vit 19 713 maturantë kanë plotësuar formularin A2. Sa i përket maturantëve të cilët kanë një mesatare prej 6.5, kanë mundësinë që të vazhdojnë programet dy vjeçare, ku mund të marrin një diplomë më shpejt dhe të futen në tregun e punës.

Edhe këtë vit degët më të preferuara mbeten ato të Inxhinierisë Informatike, Mjekësisë dhe Ekonomisë.

universitet matura regjistrime

Sondazh

Poll

MË SHUMË