Aktualitet

EMRI/ Tentoi të vriste me armë zjarri 2 punonjës policie në Vlorë dy vite më parë, ekstradohet nga Belgjika 39-vjeçari

Ndaj tij Gjykata e Shkallës së Parë e Juridiksionit të Përgjithshëm Vlorë, në vitin 2022, i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.

29 Gusht 2024, 15:20 Nga M.B
EMRI/ Tentoi të vriste me armë zjarri 2 punonjës policie në
I ekstraduari

TIRANA- 39-vjeçari Diego Haxhiraj alias Teki Hana është ekstraduar nga Belgjika. Ai akuzohet se rreth 2 vite më parë, në Vlorë, ka tentuar të vriste me armë zjarri, 2 punonjës policie. Lidhur me këtë ngjarje, dyshohet se 39-vjeçari në bashkëpunim me një person tjetër ka qëlluar me armë zjarri në drejtim të 2 punonjësve të Policisë dhe më pas u larguan nga vendngjarja.

Ndaj tij Gjykata e Shkallës së Parë e Juridiksionit të Përgjithshëm Vlorë, në vitin 2022, i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.

Njoftimi:

Ekstradohet nga Belgjika, një 39-vjeçar që akuzohet se rreth 2 vjet më parë, në Vlorë, tentoi të vriste me armë zjarri, 2 punonjës policie.

Si rezultat i bashkëpunimit të ngushtë të specialistëve të Interpol Tiranës me homologët në Belgjikë, u finalizua procedura për ekstradimin në Shqipëri, të shtetasit të shpallur në kërkim ndërkombëtar, D. H. alias T. H., 39 vjeç.

Këtij shtetasi, Gjykata e Shkallës së Parë e Juridiksionit të Përgjithshëm Vlorë, në vitin 2022, i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.

Mbrëmjen e datës 02.09.2022, në qytetin e Vlorës, dyshohet se shtetasi D. H. alias T. H., në bashkëpunim me një shtetas tjetër, ka qëlluar me armë zjarri, në drejtim të 2 punonjësve të Policisë. Autorët u larguan nga vendngjarja, me një automjet, i cili u gjet dhe u sekuestrua nga Policia. Operacioni “Para drejtësisë” vijon.

belgjika

Sondazh

Poll

MË SHUMË