Sport

Çfarë tersi për Shaw: një tjetër dëmtim, një tjetër ndalesë. Ja kur mund të kthehet...

“Ai po punon shumë për rehabilitimin e tij për të qenë i disponueshëm pas pushimit të parë ndërkombëtar."

14 Gusht 2024, 10:00 Nga DOSJA
Çfarë tersi për Shaw: një tjetër dëmtim,

ANGLI - Luke Shaw do të humbasë fillimin e sezonit të Premier League për shkak të një tjetër dëmtimi. Mbrojtësi i majtë anglez, i cili nuk ka luajtur për United që nga shkurti dhe paraqitja e vetme e të cilit në gjashtë muajt e fundit ishte finalja e Euro 2024, pati një problem në stërvitje që e eliminoi atë.

“Djajtë e Kuq” konfirmojnë mungesën e tij për ndeshjen debutuese në ligë kundër Fulhamit, si dhe udhëtimin në Brighton dhe ndeshjen në shtëpi kundër Liverpool-it, bën të ditur The Independent.

Prandaj thirrja për ndeshjet e para të Lee Carsley në krye të Anglisë si trajner i përkohshëm, kur ata do të përballen me Republikën e Irlandës dhe Greqinë në pushimin ndërkombëtar të shtatorit, duket gjithashtu shumë e pamundur.

Prandaj, një tjetër alarm dëmtimi që bie te Manchester United, sepse pas ndalesave të Leny Yoro dhe Hojlund, tani është radha e Shaw. Trajneri Erik ten Hag duhet të bëjë zgjedhje të shpejta në krahun e majtë. Sipas komunikimit zyrtar të United, Shaw do të tentojë të rikthehet pas pushimit ndërkombëtar të shtatorit.

Njoftimi zyrtar i dërguar nga klubi anglez: "Luke Shaw do të humbasë ndeshjet e para të Premier Ligës për shkak të një dëmtimi të pulpës, të pësuar në fillim të stërvitjes parasezonale. Ai po punon shumë për rehabilitimin e tij për të qenë i disponueshëm pas pushimit të parë ndërkombëtar."

B.T (Dosja.al)

Sondazh

Poll

MË SHUMË