Bota

Ministri i Mbrotjes në Izrael paralajmëron: Do ta luftojmë Hezbollahun me të gjitha forcat nëse sulmet vazhdojnë

Tensionet midis Izraelit dhe Hezbollahut, i cili në tetor hapi një front në mbështetje të aleatit të tij Hamas, u përshkallëzua më tej pas vdekjes më 30 korrik të një anëtari të lartë të krahut të tij ushtarak, Fouad Shukr, në një bombardim izraelit në një periferi jugore të Bejrutit, dhe të nesërmen, vrasja e liderit të Hamasit Ismail Haniya në Bejrut.

9 Gusht 2024, 08:24 Nga r.ll
Ministri i Mbrotjes në Izrael paralajmëron: Do ta luftojmë
yoav gallant

IZRAEL- Ministri izraelit i Mbrojtjes Yoav Gallant paralajmëroi të enjten se Izraeli do të luftojë Hezbollahun  "me të gjitha forcat" nëse vazhdon sulmet e tij, duke iu referuar shkëmbimit të përditshëm të zjarrit në kufi që ka vazhduar që nga një ditë pas sulmit të 7 tetorit nga Hamasi kufiri libanez-izraelit.

“Ne nuk do të lejojmë që organizata paraushtarake e Hezbollahut të destabilizojë kufirin dhe rajonin. Nëse Hezbollahu vazhdon agresionin e tij, Izraeli do ta luftojë atë me të gjitha forcat e tij”, tha Gallant në një mesazh të përkthyer në arabisht drejtuar popullatës libaneze, të publikuar dje nga shërbimet e tij.

“Mos harroni se sa shumë (udhëheqësi i Hezbollahut, Hassan) Nasrallah u pendua për aventurën e rrezikshme dhe të pamatur të gushtit 2006, mësoni nga e kaluara në mënyrë që një skenar i rrezikshëm të mos përsëritet në gusht 2024,” vazhdoi Gallant, duke iu referuar luftës 34-ditore në 2006.

Tensionet midis Izraelit dhe Hezbollahut, i cili në tetor hapi një front në mbështetje të aleatit të tij Hamas, u përshkallëzua më tej pas vdekjes më 30 korrik të një anëtari të lartë të krahut të tij ushtarak, Fouad Shukr, në një bombardim izraelit në një periferi jugore të Bejrutit, dhe të nesërmen, vrasja e liderit të Hamasit Ismail Haniya në Bejrut.

Autoritetet izraelite fajësuan Hezbollahun për vdekjen e 27 korrikut të 12 fëmijëve dhe adoleshentëve në një fushë futbolli në një qytet Druze në Lartësitë Golan të pushtuara dhe të aneksuara nga Izraeli, që u godit nga një raketë. Hezbollahu mohoi çdo përfshirje.

yoav gallant izrael hezbollah

Sondazh

Poll

MË SHUMË