Politike

E Ngarkuara me Punë e SHBA Nancy VanHorn mesazh në gjuhën shqipe: Jam e përkushtuar që të mbështes Shqipërinë në rrugën drejt BE

Ndër të tjera ajo zbulon se ka punuar si diplomate në të gjitha shtetet e Europës Lindore.

6 Gusht 2024, 14:28 Nga S.B
E Ngarkuara me Punë e SHBA Nancy VanHorn mesazh në gjuhën shqipe:
Nancy VanHorn

TIRANË- E Ngarkuara me Punë e SHBA-ve, Nancy VanHorn ka dhënë sot një mesazh në gjuhën shqipe. Ajo shprehet se është e nderuar për këtë post, ndërsa shton se do të jetë e përkushtuar në mbështetjen e Shqipërisë për t’u integruar në Bashkimin Europian dhe forcimin e marrëdhënieve mes dy vendeve.

Ndër të tjera ajo zbulon se ka punuar si diplomate në të gjitha shtetet e Europës Lindore. VanHorn shpreh dëshirën për të njohur, kulturën, ushqimin dhe vendet e Shqipërisë.

Fjala e plotë:

Përshëndetje të gjithëve. Unë jam Nancy VanHorn dhe jam e nderuar të filloj punë si e ngarkuara me punë në ambasadën e SHBA-ve këtu në Tiranë.

Nga viti 2007 iu bashkova shërbimeve të jashtëm të SHBA. Kam punuar si diplomate në të gjithë Europën Lindore, përfshirë ambasadat e Ukrainës, Armeni dhe Rusi.

Jam e emocionuar që jam në Shqipëri dhe që do të punojmë për qëllimet e përbashkëta, për të promovuar vlerat demokratike. Për të rritur sigurinë dhe bashkëpunimin si aleatë të NATO-së, për të çuar përpara rritjen ekonomike. Jam e përkushtuar që të mbështes Shqipërinë në rrugën drejt BE dhe të forcojmë lidhjet mes dy vendeve tona.

Kam qenë duke mësuar shqip dhe mezi pres të njoh dhe kulturën e pasur të Shqipërisë dhe për këtë më duhet ndihma juaj. Kam tri pyetje për ju; cilin vend duhet të vizitoj të parin, cilin ushqim duhet të provoj patjetër dhe cilin libër që tregon shpirtin e vendit tuaj më rekomandoni?

Faleminderit për mikpritjen e ngrohtë në vendin tuaj të bukur. Pres me kënaqësi, të zbuloj, mësoj dhe të krijoj miqësi që i qëndrojnë kohës.

shba nancy vanhorn

Sondazh

Poll

MË SHUMË