Sport

Ish-legjenda për thirrjet raciste: “Do të ketë lojtarë që nuk do të mund ta falin Enzon”...

Tony Cascarino beson se atmosfera në dhomat e zhveshjes së bluve do të jetë e vështirë të rikuperohet

21 Korrik 2024, 14:51 Nga DOSJA
Ish-legjenda për thirrjet raciste: “Do të ketë lojtarë

ANGLI - Një javë pas fitores së Argjentinës në Copa América, thirrjet raciste të lojtarëve argjentinas kundër francezëve vazhdojnë të bëjnë njerëzit të flasin dhe Enzo Fernández është objektivi kryesor i  kritikave që janë grumbulluar ditët e fundit. 

Këtë herë ka qenë ish-lojtari i Chelsea, Tony Cascarino, i cili ka shfrytëzuar rastin për të komentuar polemikat rreth lojtarit, duke bërë të qartë se vendimi për të ardhmen e mesfushorit nuk është i lehtë, por se blutë do të duhet të arrijnë një përfundim për të mirën e tij dhe dhomës së zhveshjes.

"Do të jetë e komplikuar. Kur shikoj prapa në kohën kur isha te Chelsea, në vitet '90, nuk jam i sigurt nëse dhoma e zhveshjes do të ishte e kënaqur me atë që bëri Enzo. Chelsea ka një vendim të madh në duart e tyre, nëse apo të mos e mbajë lojtarin”, tha ai.

Mirëqenia e dhomës së zhveshjes është një nga prioritetet për të krijuar një ambient fitues dhe Cascarino nuk beson se lojtarët do ta harrojnë lehtësisht atë që ndodhi, duke e shtuar më tej problemin për blutë.

"Nuk jam i sigurt se ka shumë (lojtarë) që ndihen rehat me disa nga gjërat që kanë ndodhur. Do të ketë lojtarë që nuk do të jenë në gjendje të falin dhe të tjerë që do të vazhdojnë përpara edhe pse nuk u pëlqeu ajo që ka ndodhur." 

Enzo Fernández ende nuk është rikthyer te Chelsea, por priten momente të vështira për argjentinasin dhe klubin anglez. Pasi ka kushtuar 120 milionë në arkat e Bluve, largimi i mesfushorit mund të mos jetë jashtë tavolinës, por Cascarino tregon shpresën e fundit që lojtari të mbetet në klub.

“Ai do të duhet të kërkojë falje para skuadrës dhe më pas ndoshta ata do të përfundojnë duke e falur atë”.

B.T (Dosja.al)

Sondazh

Poll

MË SHUMË