Sport

Mason Greenwood pavarësisht zhurmës, i bashkohet zyrtarisht Olympique Marseille…

Olympique Marseille zyrtarizoi këtë të enjte në mbrëmje ardhjen e anësorit Mason Greenwood nga Manchester United për 30 milionë euro (pa bonus).

19 Korrik 2024, 07:30 Nga DOSJA
Mason Greenwood pavarësisht zhurmës, i bashkohet zyrtarisht Olympique

FRANCE - Fundi i një telenovele te OM, për Mason Greenwood ka ardhur mbrëmë. Anësori 22-vjeçar ka nënshkruar për pesë sezone dhe vjen në Marsejë nga Manchester United për 30 milionë euro (pa bonuset). Ai do të veshë numrin 10.

Sezonin e kaluar ai u huazua te Getafe në Spanjë nga ‘Djajtë e Kuq’. Ai tërhoqi vëmendjen në fund të një sezoni të plotë, ku shënoi 10 gola dhe dha 6 asistime në 36 ndeshje.

Ardhja e tij është larg të qenit unanim brenda futbollit francez dhe në Marsejë. Në vitin 2022, ai u akuzua për dhunë në familje dhe Manchester United e pezulloi atë, por akuzat u hoqën disa muaj më vonë.

Kryebashkiaku i Marsejës, Benoit Payan, gjithashtu u shpreh kundër ardhjes së tij në Canebière: " Unë nuk dua që klubi im të mbulohet nga turpi i dikujt që godet gruan e tij".

B.T (Dosja.al)

Sondazh

Poll

MË SHUMË