Sport

Presidenti i La Ligas konfirmon mundësinë e kalimit të Nico Williams te Barcelona

Javier Tebas zbulo, se nëse katalanasit vazhdojnë të ulin faturën e pagave të tyre, ata mund të nënshkruajnë me anësorin e Athletic Bilbao.

12 Korrik 2024, 15:52 Nga DOSJA
Presidenti i La Ligas konfirmon mundësinë e kalimit të Nico

SPANJE - Javier Tebas ka trajtuar edhe një herë temën e “fair play”-it financiar të Barcelonës, në një kohë kur negociatat mes klubit katalanas dhe lojtarit të Athletic Bilbaos, Nico Williams janë duke u intensifikuar.

Në një intervistë për të përditshmen ‘Sport’, presidenti i ligës spanjolle zbuloi se nëse Blaugranasit arrijnë të ulin faturën e pagave, do të mund të punësojnë kë të duan. 

“Ne duhet të mendojmë se me përpjekjet e Barcelonës për të ulur faturën e pagave të tyre me më shumë se 200 milionë, ata mund të nënshkruajnë në mënyrë perfekte me një lojtar si Nico Williams”, shpjegoi Tebas. 

Pas performancës së Spanjës në Euro 2024, presidenti i ligës spanjolle u pyet nëse rivaliteti Barcelona-Real Madrid mund të rikthehet si në kohën e Cristiano Ronaldos dhe Messit, me ardhjen e Mbappe dhe paraqitjen e Lamine Yamal. 

"El Clasico” është një nga produktet tona të shkëlqyera, por nuk është e vetmja. Në kohën e Messit dhe Cristiano Ronaldos ishte lufta mes dy lojtarëve më të mirë, në dy klubet më të mira në botë. Ne përdorëm atë imazh shumë për t’u rritur”, tha Tebas më parë për të vënë në dukje dallimet mes Real Madridit dhe Barcelonës:

“E para shënon një stil të rritjes së yjeve në futboll (Real) më shumë blerje, tjetra bazohet në vetë formacionin dhe lojtarët e saj (Barcelona)." 

Pasi liga spanjolle humbi Cristiano Ronaldon, Neymarin dhe Messin, u fol shumë për rënien e audiencës së futbollit spanjoll, por Tebas deklaroi edhe një herë se "të kesh lojtarë të mëdhenj është një shtesë, por nuk është gjithçka", duke vendosur klubet si fokusin kryesor të kampionateve. 

"Kur Cristiano shkoi në Itali, të drejtat televizive u ulën dhe kur PSG kishte tre yjet e mëdhenj, Messin, Neymar dhe Mbappe, të drejtat nuk u rritën. Lojtari është i rëndësishëm, por ai nuk është thelbësor sepse ai nuk është i përjetshëm.

Shikoni çfarë ndodh në Arabi, për shembull, këtu e rëndësishme janë markat e klubeve, marka e garës, klubet historike si Real Madrid, Barcelona, ​​Atlético (Madrid), Manchester United apo Liverpool, këto janë ato që do të bëjnë gjithmonë kemi lojtarë të mëdhenj”, tha ai. 

Sa i përket kapitalit të huaj, ai mendon se nuk do të jetë kurrë diçka negative nëse përdoret sipas ligjeve. “Unë jam më i shqetësuar për kapitalin spanjol, kapitali i huaj nuk është i keq nëse përdoret brenda rregullave”.

B.T (Dosja.al)

Sondazh

Poll

Sport 12 Korrik 2024, 09:30

Laporte 'mbron' Ligën Saudite...

SPANJE - Aymeric Laporte është qendërmbrojtësi më i mirë në Eurokupë. Që nga hyrja në 11-she kundër ...

MË SHUMË