Sport

"Euro 2024"/ Alarm “i verdhë”!... 39 lojtarë mund të mungojnë në gjysmëfinale për shkak të kartonëve

Mbappé, Bellingham, Morata apo Rudiger, ndër të tjera, do të sanksionohen nëse paralajmërohen në çerekfinale.

4 Korrik 2024, 15:30 Nga DOSJA

"Euro 2024"/ Alarm “i verdhë”!... 39 lojtarë

GJERMANI - Të gjithë imagjinojnë një gjysmëfinale të Eurokupës plot me yje të futbollit botëror. Pavarësisht skuadrave që arrijnë këto nivele, ka shumë futbollistë të nivelit të lartë që duhet të luajnë në këto ndeshje, por edhe disa prej tyre mund të mungojnë.

Me sanksionet për grumbullimin e kartonëve të verdhë të rrezikuar janë 39 lojtarë që mund të shohin fazën e radhës nga shtëpia, edhe pse në disa raste ata janë pjesë kyçe në skemën e skuadrës së tyre.

Yjet si Kylian Mbappé, Antoine Griezmann, Antonio Rüdiger dhe Álvaro Morata, janë në këtë situatë dhe do të duhet të jenë shumë të kujdesshëm, nëse nuk duan të mungojnë në gjysmëfinale. Edhe pse së pari, natyrisht, ata duhet të klasifikohen.

"Euro 2024"/ Alarm “i verdhë”!... 39 lojtarë

Franca është një nga më të prekurat në këtë kuptim. Skuadra e Didier Deschamps ka katër lojtarë që perceptohen si të një rëndësie të madhe brenda njëmbëdhjetë francezëve. I pari është ylli i madh, Kylian Mbappé, i cili përveç maskës do të duhet të shqetësohet edhe për të mos parë një karton.

Edhe partneri i tij i madh në sulm, Antoine Griezmann, rrezikon të pezullohet. Ousmanne Dembelé, megjithëse ka humbur statusin e titullarit, rrezikon. Më në fund, edhe bllokuesi i ekipit, Aurélien Tchouaméni.

Edhe rivali i tyre, Portugalia, ka 6 futbollistë në këtë situatë: Cristiano Ronaldo, Joao Cancelo, Francisco Conceiçao, Joao Palhinha, Pedro Neto dhe Rubén Neves.

Sa i përket Spanjës, janë prekur mesfushori dhe kapiteni. Dani Carvajal, Robin Le Normand dhe Álvaro Morata mund të mungojnë në gjysmëfinale. Edhe Dani Vivian, edhe pse ky ka më pak gjasa të luajë.

Nga ana e tij, Naggelsman mund të humbasë liderin e mbrojtjes gjermane: Antonio Rüdiger. Për më tepër, një pjesë po aq e rëndësishme është edhe Robert Andrich.

Një tjetër nga skuadrat më të prekura, është edhe ajo e “Tre Luanëve” me dy yjet e saj në rrezik: shpëtimtarin Jude Bellingham dhe Phil Foden. Së bashku me ta, janë edhe dy lojtarë të tjerë si Kieran Trippier dhe Kobbie Mainoo. Listës i bashkohet Connor Gallagher.

"Euro 2024"/ Alarm “i verdhë”!... 39 lojtarë

Për Turqinë është tashmë një sukses që ka arritur deri në këtë pikë, por ata kanë një problem real me kartonat. Pavarësisht se është rikuperuar Çalhanoglu, janë deri në tetë lojtarë që janë ende një karton larg sanksionimit, ndër të cilët veçohet Arda Güler.

Lojtarët e sanksionuar për çerekfinale…

Disa futbollistë kanë fatin e keq që nuk mund të luajnë në ndeshjet e ardhshme të Eurokupës. Për shembull, mesfushori Adrien Rabiot, i padiskutueshëm në njëmbëdhjetë francezët dhe që nuk do të jetë i pranishëm kundër Portugalisë.

Në Angli, qendërmbrojtësi Marc Guéhi, i cili ka luajtur çdo minutë deri më sot, do të duhet të jetë në tribune, duke parë shokët e tij të skuadrës. Së fundmi do të mungojnë edhe dyshja në mesfushën turke, Orkun Kökco dhe Ismail Yüksek.

B.T (Dosja.al)

Sondazh

Poll

MË SHUMË