Bota

Shkoi të blinte ilaçe për fëmijën e sëmurë dhe u zhduk, 36-vjeçarja gjendet e vdekur brenda stomakut të një pitoni në Indonezi

Burri i saj më vonë zbuloi këpucët dhe pantallonat e saj në tokë rreth 500 metra larg shtëpisë së tyre në fshatin Sitemba.

3 Korrik 2024, 13:09 Nga N.F
Shkoi të blinte ilaçe për fëmijën e sëmurë
Foto ilustruese

INDONEZI- Një grua u gjet e vdekur në barkun e një pitoni në Indonezi. Lajmin e njoftoi sot policia në provincën indoneziane të Sulawesi-t Jugor. Gruaja 36-vjeçare u zhduk pasi doli nga shtëpia e saj të martën në mëngjes për të blerë ilaçe për fëmijën e saj të sëmurë. Të afërmit e saj të shqetësuar shkuan ta kërkonin por pa gjetur gjurmë të saj. Burri i saj më vonë zbuloi këpucët dhe pantallonat e saj në tokë rreth 500 metra larg shtëpisë së tyre në fshatin Sitemba.

"Menjëherë pas kësaj, ai vuri re një zvarranik, rreth dhjetë metra larg shtegut. Zvarraniku ishte ende gjallë," tha për AFP shefi i policisë lokale. Burri dyshoi se çfarë kishte ndodhur pasi vuri re barkun "shumë të madh" të pitonit dhe më pas ai thirri fshatarët për ta ndihmuar të hapte stomakun e zvarranikës dhe më pas u shfaq trupi i gruas së tij.

Incidente të tilla janë jashtëzakonisht të rralla, por disa njerëz kanë vdekur në Indonezi vitet e fundit nga gëlltitja nga pitonët. Në fillim të qershorit, një grua 45-vjeçare u gjet e vdekur në stomakun e një pitoni rreth pesë metra i gjatë.

Ai incident ndodhi në të njëjtën provincë të Sulaëesi-t Jugor, por në një fshat tjetër. Vitin e kaluar, banorët e distriktit Tinangea, në juglindje të ishullit Sulawesi, vranë një piton tetë metrash pasi zbuluan se po përpiqej të mbyste dhe gëlltiste një fermer.

Në vitin 2018, një grua 54-vjeçare u gjet e vdekur brenda një pitoni shtatë metra në komunën Muna, në juglindje të të njëjtit rajon. Vitin e kaluar, një piton 4 metra hëngri një fermer në Sulaëesi Perëndimor në një plantacion vaji me palma.

indonezi piton

Sondazh

Poll

MË SHUMË