Aktualitet

Vranë biznesmenin Rakip Roli në vitin 2021, Gjykata e Lezhës dënon me 47 vite burg dy autorët

Mësohet se gjykata ka dënuar me 27 vite burg Llej Liken për ngjarjen e ndodhur në dhjetor të vitit 2021 në fshatin Sanxhak të Kurbinit.

26 Qershor 2024, 08:51 Nga M.B
Vranë biznesmenin Rakip Roli në vitin 2021, Gjykata e Lezhës
Rakip Roli

LEZHA- Gjykata e Lezhës ka dhënë dënimet për autorët e vrasjes së biznesmenit Rakip Roli. Mësohet se gjykata ka dënuar me 27 vite burg Llej Liken për ngjarjen e ndodhur në dhjetor të vitit 2021 në fshatin Sanxhak të Kurbinit. Ai u gjet fajtor për veprat penale të vrasjes me paramendim dhe armëmbajtjes pa leje. Ndërsa si bashkëpunëtor në këtë krim u dënua me 20 vite burg dhe Klauido Gjegji (Beleshi).

Ky i fundit fillimisht u procedua per moskallëzim krimi, por referuar dosjes të hetuar nga prokurori Françesk Ganaj, organi i akuzës arriti të provojë se vrasja e biznesmenit Rakip Roli është realizuar nga Llej Lika në bashkëpunim me shokun e tij Klauido Gjegji (Beleshi). Lika ka deklaruar para hetuesve se ka vepruar i vetëm në vrasjen e biznesmenit në shenjë hakmarrje, pasi ai bashkë me dy djemtë e tij e kishin dhunuar disa ditë para ngjarjes.

Rakip Roli i njohur ndryshe si Pilot Rroli, u ekzekutua me breshëri plumbash automatiku mëngjesin e 10 dhjetorit të vitit 2021.Ai u qëllua teksa po lëvizte me automjetin e tij audi Q7, sapo kishte dalë nga banesa në fshatin Sanxhak të Kurbinit. 7 plumba e preken në pjesën e trupit, duke i shkaktuar vdekjen e menjëhershme.

rakip roli

Sondazh

Poll

MË SHUMË