Sport

“Euro 2024”/ Franca mund të përfundojë e para në grupin D, nëse...

Para ndeshjes së tretë dhe të fundit në Grupin D kundër Polonisë (18:00), skuadra e Francës mund të përfundojë ende e para, e dyta ose e treta në grupin e saj në Euro 2024. Këtu janë tre skenarët në të cilët ajo mund të përfundojë e para.

25 Qershor 2024, 17:22 Nga DOSJA
“Euro 2024”/ Franca mund të përfundojë e para në

GJERMANI - E kualifikuar pa luajtur mbrëmjen e së hënës, pas fitores së Spanjës ndaj Shqipërisë (1-0), skuadra franceze nuk e di ende vendin e saj në Grupin D përpara se të përballet me Poloninë (18:00). Në renditje është ende përpara Holandës që përballet njëkohësisht me Austrinë. Janë tre skenarë, në të cilët Franca do të përfundojë e para në grupin e saj.

Franca do të përfundojë e para nëse fiton kundër Polonisë në fushën e Dortmundit dhe në rast se holandezët nuk arrijnë të mposhtin Austrinë. Franca do të kishte shtatë pikë, ndërsa ‘Portokallinjtë’ do të kishte katër ose pesë.

Skuadra franceze do të jetë gjithashtu e para, nëse mposht Poloninë dhe Holanda fiton kundër Austrisë, por me rezultat të ngushtë. Diferenca e golave, kriteri i parë i klasifikimit në rast të barazimit në pikë, do të shkonte më pas në avantazh të Francës.

Së fundi, blutë mund të përfundojnë në vendin e parë edhe nëse barazojnë. Në këtë rast, edhe Holanda do të duhet të barazojë, pra njësoj ose më keq se Franca ndaj Austrisë, duke shënuar dy gola më pak se trengjyrëshit.

Kritere të tjera klasifikimi

Në rast të barazimit me golaverazh, më pas merren parasysh golat e shënuar, ku Holanda ka avantazhin me dy golat e shënuar ndaj Polonisë ndaj golit të vetëm francez të shënuar ndaj Austrisë. Më pas vjen kriteri i lojës së ndershme.

B.T (Dosja.al)

Sondazh

Poll

MË SHUMË