Aktualitet

Shkelën perimetrin e sigurisë në det, bllokohen dy skafe në Palasë dhe Zvërnec, ndëshkohen edhe me gjoba drejtuesit

Policia bën me dije se bllokimi i tyre ka ardhur pasi mjetet detare kanë shkelur perimetrin e sigurisë në det.

17 Qershor 2024, 11:31 Nga N.F
Shkelën perimetrin e sigurisë në det, bllokohen dy skafe në
Skaf

ZVËRNEC- Ditën e sotme janë bllokuar dy skafe në Palase dhe Zvërnec. Policia bën me dije se bllokimi i tyre ka ardhur pasi mjetet detare kanë shkelur perimetrin e sigurisë në det.

Më tëj në njoftim bëhet me dije se nga shkelja e perimetrit të sigurisë kanë vënë në rrezik pushuesit. Përveç bllokimit të mjeteve mësohet se janë gjobitur me nga 100,000 lekë të rinj drejtuesit e mjeteve lundruese.

Njoftimi i policisë:


Policia Kufitare dhe Njësia Policore Detare vijojnë monitorimin e hapësirës detare me qëllim rritjen e parametrave të sigurisë së pushuesve në plazhet e vendit. Brenda 24 orëve në Palasë dhe Zvërnec bllokohen dy mjete lundruese që shkelën perimetrin e sigurisë, duke rrezikuar jetën e pushuesve. Si rezultat i monitorimeve, Policia Kufitare dhe Njësia Policore Detare bllokuan një tjetër mjet lundrues në plazhin e Zvërnecit, që shkeli perimetrin e sigurisë ujore për plazhistët, duke vënë në rrezik jetën e tyre. Ndëshkohet me masë administrative 100,000 lekë të rinj drejtuesi i mjetit lundrues.

Më herët, shërbimet e Policisë Kufitare Dhërmi, në bashkëpunim me Njësinë Policore Detare, ndërhynë menjëherë në plazhin e Palasës, duke bllokuar një mjet lundrues gomone që kishte shkelur perimetrin e sigurisë ujore për plazhistët, duke vënë në rrezik jetën e tyre dhe ndëshkuar me masë administrative 100,000 lekë të rinj drejtuesin e mjetit lundrues.

Shërbimet e Policisë Kufitare, në bashkëpunim me Njësinë Policore Detare, gjatë patrullimit të vijës bregdetare, me qëllim garantimin e rendit dhe sigurisë publike në zonat turistike, si dhe për kontrollin e përdorimit të mjeteve lundruese, ndërhynë dhe në plazhin e Zvërnecit, duke bllokuar një tjetër mjet lundrues gomone që kishte shkelur perimetrin e sigurisë ujore për plazhistët, duke vënë në rrezik jetën e tyre.

Shërbimet e Policisë Kufitare ndëshkuan pronarin e mjetit lundrues, shtetasin B. F., me masën administrative 100,000 lekë të rinj, si dhe bllokuan mjetin lundrues gomone në SPK Triport. Policia Kufitare, në bashkëpunim me Njësinë Policore Detare dhe patrullat tokësore, vijon monitorimin dhe kontrollin e të gjitha zonave bregdetare dhe fton qytetarët që të denoncojnë në numrin pa pagesë 112 çdo rast paligjshmërie, duke iu garantuar anonimat, reagim të shpejtë dhe profesional.

policia zvernec palase skaf gjobitje

Sondazh

Poll

MË SHUMË