Politike

Vangjel Dule: Zgjedhja e Belerit si eurodeputet, hakmarrja e demokracisë ndaj Ramës dhe praktikave të tij

Dule theksoi se në zgjedhjet e para për vendosjen e regjimit komunist ishte zona e vetme në Shqipëri që e refuzoi dhe e pagoi shumë shtrenjtë, me ekzekutime e internime.

10 Qershor 2024, 21:56 Nga I.A
Vangjel Dule: Zgjedhja e Belerit si eurodeputet, hakmarrja e demokracisë
Vangjel Dule

TIRANË- Kryetari i PBDNJ, Vangjel Dule ka komentuar zhvillimet politike pas zgjedhjes së Fredi Belerit si eurodeputet i partisë Demokracia e Re e kryeministrit grek, Kyriakos Mitsotakis. I ftuar në emisionin Çim Peka Live në SYRI Tv, Dule theksoi se në zgjedhjet e para për vendosjen e regjimit komunist ishte zona e vetme në Shqipëri që e refuzoi dhe e pagoi shumë shtrenjtë, me ekzekutime e internime. Sipas Dules, zgjedhja e Belerit si eurodeputet është hakmarrja e demokracisë ndaj Ramës dhe praktikave të tij.

"Në zgjedhjet e para për vendosjen e regjimit komunist ishte zona e vetme në Shqipëri që e refuzoi dhe e pagoi shumë shtrenjtë, me ekzekutime me internime dhe me zhvendosje të popullsisë dhe tani është periudha e tretë kur jep shembullin se këtij regjimi autokratik, i cili refuzon të pranojë aspekte elementare dhe shtetit të së drejtës dhe të jetës së demokracisë funksionale, duke mos u dhënë mundësinë të zgjedhin të parin e tyre si bashki, Himara reziston duke bërë një shembull dhe frymëzim për çdo qytetar shqiptar se ky duhet të jetë qëndrimi ndaj autokracisë së zotit Rama i cili nuk njeh rregulla parime dhe nuk respekton asnjë sistem standardesh europiane.

A ka lidhje Himara me Belerin si eurodeputet, po, sepse Belerin e votuan shumica qytetarë grekë por e votuan masivisht himariotët dhe të gjithë pjestarët e minoritet grek që kanë të drejtë vote në Greqi dhe një masë e konsiderueshme e një mase qytetarësh shqiptarë që kanë të drejtë vote në Greqi. Beleri, zgjedhja e tij është hakmarrja e demokracisë ndaj zotit Rama dhe praktikave të tij, prandaj është edhe një faqje tjetër me gërma të arta në historinë e kësaj Himare që ka shumë kontribute ka dhënë gjithmonë. Çdo kohë ka pasur rezistencën për vlerat e asaj periudhe," tha Dule.

vangjel dule

Sondazh

Poll

MË SHUMË