Sport

Real Madrid ‘kërcënon’, Ancelottit hedh bombën për Kupën e Botës për Klube!

Carlo Ancelotti, trajneri i Real Madridit, hodhi një bombë të vogël në lidhje me Botërorin e ardhshëm të Klubeve të organizuar nga FIFA!

10 Qershor 2024, 11:51 Nga DOSJA
Real Madrid ‘kërcënon’, Ancelottit hedh bombën

SPANJE - Mes Real Madridit dhe autoriteteve të futbollit, lufta nuk është gati të përfundojë! Ndërsa FIFA do të nisë formatin e ri të Kupës së Botës për Klube në verën e vitit 2025, revolta po bëhet gjithnjë e më e ngutshme dhe klubi Merengue është në vijën e parë.

Në komentet e transmetuara nga Relevo, trajneri Carlo Ancelotti në fakt ka bërë të ditur orët e fundit se Reali nuk ka ndërmend të marrë pjesë!

Pikërisht në kuadrin e një interviste dhënë gazetarit Tony Damascelli, të së përditshmes italiane ‘Il Giornale’, trajneri i Real Madridit hodhi ‘bombën’, duke siguruar se klubi Merengue nuk do të kishte asnjë interes për të hyrë në këtë kompeticion.

“FIFA harron se klubet dhe lojtarët nuk do të marrin pjesë në këtë turne. Një ndeshje e vetme e Real Madridit vlen 20 milionë euro dhe ata duan të na japin këto para për të gjithë kompeticionin! Real Madrid, ashtu si klubet e tjera, do ta refuzojmë ftesën”,- tha trajneri italian.

B.T (Dosja.al)

Sondazh

Poll

MË SHUMË