Aktualitet

Grupet kriminale shqiptare në shënjestrën e EUROPOL dhe INTERPOL, detaje të reja nga operacioni në disa shtete në Europë

Operacioni i nisur ditën e martë, përfundoi me 17 shqiptarë të arrestuar, pjesa më e madhe janë prangosur në Belgjikë.

8 Qershor 2024, 14:26 Nga M.B
Grupet kriminale shqiptare në shënjestrën e EUROPOL dhe INTERPOL,
Foto ilustruese

ZVICRA- EUROPOL dhe INTERPOL kanë ndërmarrë një operacion masiv në 6 shtete, me qëllim goditjen e grupeve kriminale të trafikut të kokainës dhe heroinës. Trafikantët ishin kryesisht shqiptarë bëjnë të ditur mediat e huaja. Operacioni i nisur ditën e martë, përfundoi me 17 shqiptarë të arrestuar, pjesa më e madhe janë prangosur në Belgjikë. Të arrestuar ka patur në Zvicër, Itali, Holandë, Austri dhe Gjermani.

Le Canton27.ch shkruan se nga operacioni i zhvilluar në Zvicër, ku mësohet se janë arrestuar 3 shqiptarë të grupit në fjalë dhe janë sekuestruar nëntë kilogramë heroinë dhe dy kilogramë kokainë.

EUROPOL ka njoftuar se banda e trafikut të drogës ishte e dhunshme dhe kishte në dispozicion një arsenal armësh zjarri dhe në të kaluarën ishte përfshirë në një atentat ndaj një rivali në Shqipëri. Po ashtu flitet për një grabitje të armatosur të një ngarkese me 395 kg marijuanë në mes të shkurtit të kryer në Bruksel.

europol interpol

Sondazh

Poll

MË SHUMË