Bota

Sulm kibernetik në spitalet e Londrës/ anulohen operacionet, pacientët e urgjencës transferohen

Gjithashtu disa procedura janë anuluar ose janë dërguar drejt qendrave të tjera spitalore.

4 Qershor 2024, 17:30 Nga E. D
Sulm kibernetik në spitalet e Londrës/ anulohen operacionet,
foto ilustruese

LONDËR-Një sulm kibernetik ka goditur spitalet kryesore të Londrës, duke bërë që operacionet të anulohen dhe pacientët e urgjencës të transferohen. Siç raportohet incidenti i madh kibernetik preku klinikat partnere të ofruesit të shërbimit Synnovis, të tilla si Spitali King’s College, Guy’s dhe St Thomas’, duke përfshirë Royal Brompton dhe Evelina London’s Hospital, të cilat strehojnë qendra të mëdha pediatrike.

Gjithashtu disa procedura janë anuluar ose janë dërguar drejt qendrave të tjera spitalore. Incidenti mendohet të ketë ndodhur të hënën, ndërsa disa departamente nuk mund të lidhen ende me një server kryesor

Megjithatë ende nuk dihet motivi i sulmit kundër sistemeve të spitaleve kryesore të Londrës, por sipas burimeve të ndryshme të cituara nga transmetuesi publik britanik, bëhet fjalë për një operacion të tipit ransomware, i kryer nga hakerë që synojnë të kërkojnë një shpërblim, zakonisht në bitcoin, për kthimin e të dhënave.

sulme kibernetike londer

Sondazh

Poll