Bota

Takim në Uashington, Gërvalla: Kosova e përkushtuar ndaj NATO-s dhe BE-së, Serbia kërcënim për rajonin

Gërvalla përmes një postimi në Facebook, ka bërë të ditur se ka folur për sfidat me të cilat përballen sot Kosova dhe rajoni i Ballkanit dhe Evropa Lindore.

26 Maj 2024, 15:46 Nga N.F

Takim në Uashington, Gërvalla: Kosova e përkushtuar ndaj NATO-s

Takimi

KOSOVË- Ministrja e Punëve të Jashtme dhe Diasporës në Kosovë, Donika Gërvalla ka marrë pjesë në tryezën e diskutimit me titull “Synime dhe shqetësime Rajonale”, të organizuar nga Instituti “Hudson” në Uashington. Gërvalla përmes një postimi në Facebook, ka bërë të ditur se ka folur për sfidat me të cilat përballen sot Kosova dhe rajoni i Ballkanit dhe Evropa Lindore.

“Duke përshkruar zhvillimin e jashtëzakonshëm të Kosovës, të ekonomisë së saj, por edhe të forcimit të të gjitha strukturave të sigurisë dhe forcave të saj të armatosura theksova përkushtimin e vazhdueshëm të Kosovës për vlerat demokratike dhe vullnetin e palëkundur për anëtarësim në NATO dhe BE”, ka shkruar Gërvalla.

Ajo më tej ka theksuar se Serbia është kthyer përsëri në një kërcënim të vërtetë jo vetëm për Kosovën dhe Bosnjë-Hercegovinën, por për të gjithë rajonin.

“Duke iu përgjigjur shqetësimeve të shumta të të pranishmëve, theksova se Serbia është kthyer përsëri në një kërcënim të vërtetë jo vetëm për Kosovën dhe Bosnjë-Hercegovinën, por për të gjithë rajonin, duke potencuar rëndësinë e ndërrimit të strategjisë së demokracive perëndimore në raport me Serbinë si kundërshtaren më të fuqishme të vlerave Perëndimore dhe demokratike në Evropë dhe domosdoshmërinë e konfrontimit të Serbisë me rrezikun që paraqet për rajonin por edhe për paqen në Evropë”, përfundon ajo.

gervalla serbia kosova be nato