Bota

"Armëpushimi i domosdoshëm"/ OKB: Veriu i Rripit të Gazës është goditur nga kriza e urisë

"Ajo që ne po kërkojmë, ajo që nuk kemi reshtur së kërkuari, është një armëpushim dhe aftësia për të hyrë në Gaza për të ofruar ndihma humanitare", tha Cindy McCain.

5 Maj 2024, 07:23 Nga r.ll
"Armëpushimi i domosdoshëm"/ OKB: Veriu i Rripit të
foto ilustruese

GAZA- Në pjesën veriore të Rripit të Gazës mbizotërojnë kushtet e urisë së vërtetë, të cilat në fakt po vijnë duke u zgjeruar edhe në jug, ka paralajmëruar drejtoresha e Programit Botëror të Ushqimit, Cindy McCain.

"Në Gaza uria është e pranishme, një uri e vërtetë në veri duke lëvizur drejt jugut", tha drejtoresha i Organizatës së Kombeve të Bashkuara në një intervistë që do të transmetohet sot të dielën nga rrjeti amerikan NBC.

“Kur ka konflikte të tilla, me kaq shumë intensitet, apo kaq shumë gjëra që ndodhin, vjen zija e bukës”, tha ai.

"Ajo që ne po kërkojmë, ajo që nuk kemi reshtur së kërkuari, është një armëpushim dhe aftësia për të hyrë në Gaza për të ofruar ndihma humanitare", tha Cindy McCain.

Programi Botëror i Ushqimit është vetëm një nga shumë agjenci dhe organizata humanitare që përpiqen të dërgojnë ndihma humanitare në enklavën palestineze. Situata ushqimore po përmirësohet pak në Rripin e Gazës, por rreziku i urisë mbetet, tha të premten Organizata Botërore e Shëndetësisë. Ndihma ndërkombëtare, e kontrolluar nga Izraeli, rrjedh në Gaza, kryesisht nga Egjipti dhe Rafah, por mbetet e pamjaftueshme për të përmbushur nevojat e mëdha të 2.4 milionë banorëve të saj.

lufta ne gaza okb

Sondazh

Poll

MË SHUMË