Aktualitet

"Kjo është shtëpia ime", 80 vite pas dëbimit i moshuari çam rrëfen ballafaqimin me grekët që i morën banesën

Pas kaq vitesh ata kanë pak shpresë për drejtësi. Lejimi nga pala greke që së paku të shohin vendin ku kanë lindur do tu jepte një farë paqeje.

1 Maj 2024, 22:28 Nga r.ll
"Kjo është shtëpia ime", 80 vite pas dëbimit i
fadil nuriu

TIRANË- Fadil Nuriu ka përdorur miqësitë për të parë një herë shtëpitë e tija në Paamithi. Ironikisht, ato prona i kanë gëzuar grekë etnikë që dikur shërbimin si punëtorë të familjes çame.

‘Shtëpia ime rrinin të krishterë ata që kishim ne punëtorë a kishin zënë shtëpinë’ u shpreh Fadil Nuriu, i mbijetuari i masakrës së Çamërisë.

‘Shoh shtëpinë time dhe më del një nuse tek ballkoni dhe i them kjo është shtëpia ime i thashë. O zot tha kjo çfarë po thotë ky, i thashë burri jot ka qenë çoban tek babai im, kjo është shtëpia ime, por ti ta gëzosh se unë jam shumë mirë në Shqipëri’ u shpreh Fadil Nuriu, i mbijetuari i masakrës së Çamërisë.

Ai rrëfen se edhe pronat e tyre ishin zhdukur. 8 dekada të shkuara, thuajse kanë fshirë gjithçka.

‘I them ka pas baba ime ca ullinj se më kujtohet që merrte baba këtu në qafë me kaçile dhe mblidhnim ullinj, i kanë bërë fushë sporti më tha dhe e mbylla, edhe për xhaminë ashtu më tha’ u shpreh Fadil Nuriu, i mbijetuari i masakrës së Çamërisë
Ai thotë se e merr malli, por nuk dëshiron të kthehet më në Paramithi, pasi nuk ka se çfarë të kujtojë veç torturave dhe masakrave.

‘Me thënë të drejtën jam mësuar edhe këtu në shqipëri, kam kaluar shumë mirë. Po më shkon mendja se ku ke lind të dhemb, por shumë pak më bien djerr të shkoj atje. Se çfarë do të shoh atje? Nënën time nuk e di se ku e kam se e varrosa në darkë e në mëngjes ma nxorën qentë’ u shpreh Fadil Nuriu, i mbijetuari i masakrës së Çamërisë.

Pas kaq vitesh ata kanë pak shpresë për drejtësi. Lejimi nga pala greke që së paku të shohin vendin ku kanë lindur do tu jepte një farë paqeje.

‘Duhet shumë me u dhënë paqe, por greku është grek. Së paku të na lejojnë të shkojmë, sepse kanë vdekur, shumë pak kanë ngel. Të shkojnë ta shohin vendin ku ke lindur se vatani yt është i ëmbël’ u shpreh Fadil Nuriu, i mbijetuari i masakrës së Çamërisë./ Marrë nga Top Channel

 

fadil nuriu masakra e camerise

Sondazh

Poll

MË SHUMË