Bota

Fillojnë arrestimet e para të emigrantëve që do të dërgohen në Ruandë, kryhet deportimi i parë i një azilkërkuesi në vendin afrikan

Kjo politikë e qeverisë synon të ndalojë njerëzit të kalojnë Kanalin me varka të vogla dhe gomone. Zyra e Brendshme nuk dha një numër se sa persona ishin arrestuar, por tha se më shumë operacione do të kryheshin në javët e ardhshme.

1 Maj 2024, 15:19 Nga r.ll
Fillojnë arrestimet e para të emigrantëve që do të
foto ilustruese

BRITANI- Emigrantët e identifikuar që do të deportohen në Ruandë kanë filluar të ndalohen nga autoritetet në Britaninë e Madhe. Këtë lajm e ka njoftuar qeveria britanike.  Legjislacioni që synon zbatimin e planit për të dërguar disa azilkërkues në vendin e Afrikës Lindore u miratua në ligj javën e kaluar.

Kjo politikë e qeverisë synon të ndalojë njerëzit të kalojnë Kanalin me varka të vogla dhe gomone. Zyra e Brendshme nuk dha një numër se sa persona ishin arrestuar, por tha se më shumë operacione do të kryheshin në javët e ardhshme. Qeveria kishte lajmëruar më herët se synonte që fluturimet të niseshin deri në pranverë, por tani këto fluturime pritet të ndodhin brenda nëntë deri në 11 javë, shkruan BBC. 

Megjithatë, plani ende mund të pengohet nga sfidat ligjore. Kushdo që Ministria e Brendshme britanike po mendon ta dërgojë në vendin afrikan duhet t'i jepet të paktën shtatë ditë njoftim me shkrim për këtë qëllim, në mënyrë që të kenë mundësinë të përgjigjen. Nuk është e qartë nëse personat e arrestuar e kanë marrë ende atë njoftim, por edhe nëse e kanë marrë, kjo nuk do të thotë se një fluturim do të ishte i pashmangshëm sepse emigrantët kanë të drejtë të nisin një sfidë ligjore.

Ndërkohë njeriu që u largua nga Britania e Madhe të hënën kishte rënë dakord të dërgohej në Ruandë pas refuzimit të tij të azilit në fund të vitit të kaluar, thanë disa media, si pjesë e një skeme të veçantë dhe vullnetare. Shtetasi afrikan u nis me një fluturim komercial për në kryeqytetin e Ruandës, tha gazeta The Sun. Në këmbim të marrëveshjes së tij për t’u larguar nga Britania , ai do të marrë deri në 3,000 £ (3,750 dollarë), sipas burimeve qeveritare të cituara nga gazeta Times.

emigrantet ne britani deportimet ne ruande

Sondazh

Poll

MË SHUMË