Bota

FOTOT/ Thatësira nxjerr në pah qytetin 300-vjeçar në Filipine, rrënojat tërheqin turistët

Qyteti Pantabangan u përmbyt në vitet 1970 duke ndërtuar kështu një rezervuar.

30 Prill 2024, 17:05 Nga S.B
FOTOT/ Thatësira nxjerr në pah qytetin 300-vjeçar në
Pantabangan

FILIPINE- Rrënojat e një qyteti pothuajse 300-vjeçar janë rishfaqur pasi temperaturat e larta në Filipine thanë pjesërisht një digë të madhe. Qyteti Pantabangan u përmbyt në vitet 1970 duke ndërtuar kështu një rezervuar. Por del nga uji në raste jashtëzakonisht të rralla, kur moti është i thatë dhe i nxehtë.

Pothuajse gjysma e vendit po përjeton një thatësirë, me temperatura që arrijnë nivele të larta në disa zona. Ky është qyteti që ka qenë më gjatë ndonjëherë mbi ujë që nga ndërtimi i digës.

Vapa ekstreme ka prishur jetën e përditshme të miliona njerëzve pasi shkollat janë mbyllur për ditë të tëra dhe punonjësit e zyrës këshillohen të punojnë nga shtëpia.

FOTOT/ Thatësira nxjerr në pah qytetin 300-vjeçar në
Pantabangan

Filipinet janë në mes të sezonit të ngrohtë dhe të thatë, i cili përkeqësohet nga El Nino ose ngrohja e pazakontë e ujërave sipërfaqësore në Oqeanin Paqësor. Kombi i Azisë Juglindore është një nga vendet më të rrezikuara në botë nga efektet e ndryshimeve klimatike.

Rrënojat filluan të rishfaqen në mars pasi zona nuk kishte pësuar pothuajse asnjë rreshje shiu. Rishfaqja e rrënojave ka tërhequr turistët në qytet, rreth 202 km në veri të kryeqytetit, Manila.

Shfletoni galerinë për më shumë fotografi.

nxehtesi filipine ndryshime klimaterike

Sondazh

Poll

MË SHUMË