Bota

Varrezat masive në spitalet e Gazës, Autoriteti Palestinez kërkon nisjen e hetimit

Autoritetet palestineze thanë këtë javë se gjetën qindra trupa në varreza masive në spitalin Nasser, pasi trupat izraelite u tërhoqën nga qyteti i Khan Yunis.

25 Prill 2024, 17:40 Nga E. D
Varrezat masive në spitalet e Gazës, Autoriteti Palestinez kërkon
foto ilustruese

GAZA- Zyrtarët palestinezë të mbrojtjes civile i kanë bërë thirrje Kombeve të Bashkuara të hetojnë ato që ata thonë se janë krime lufte në një spital në Gaza, duke thënë se rreth 400 trupa u gjetën në varre masive pasi ushtarët izraelitë u tërhoqën.

“Ka raste të ekzekutimeve në vend të disa pacientëve ndërsa ata ishin duke iu nënshtruar operacionit në spitalin Nasser,” thanë zyrtarët e mbrojtjes civile. 

Autoritetet palestineze thanë këtë javë se gjetën qindra trupa në varreza masive në spitalin Nasser, pasi trupat izraelite u tërhoqën nga qyteti i Khan Yunis. Ka pasur gjithashtu raporte për gjetjen e trupave në spitalin Al Shifa në veri të Gazës, i cili është shënjestruar në një operacion nga forcat speciale izraelite. Gjithashut Komisioneri i Lartë i Kombeve të Bashkuara për të Drejtat e Njeriut Volker Turk tha dje se ishte i tronditur nga shkatërrimi i objekteve mjekësore në Nasser dhe Al Shifa dhe raportet për varreza masive. 

Ndërsa ushtria izraelite tha se pretendimet e Autoritetit Palestinez se Forcat Mbrojtëse të Izraelit (IDF) i varrosën trupat ishin të pabaza dhe të pambështetura. Izraeli ka mohuar vrasjen e atyre që janë gjetur në varre dhe ka publikuar një video që pala izraelite thotë se tregon palestinezët duke gërmuar ato varre para operacionit të IDF.

zyrtarët palestinezë

Sondazh

Poll

MË SHUMË