Aktualitet

Lirohen nga qelia katër protestuesit/ Iu ndalohet pjesëmarrja në tubimet e tjera, deputetët e PD-së jashtë gjykatës në mbështetje të tyre (VIDEO)

Togat e zeza kanë vendosur detyrim paraqitjeje për Kevin Vidricën, Bernard Metaliajn, Franc Kaloshin dhe Artan Muçmatën.

22 Prill 2024, 11:09 Nga r.ll
Lirohen nga qelia katër protestuesit/ Iu ndalohet pjesëmarrja në
protestuesit

TIRANË- Gjykata ka liruar nga qelia katër personat e arrestuar pas protestës së zhvilluar ditën e premte para bashkisë së Tiranës. Togat e zeza kanë vendosur detyrim paraqitjeje për Kevin Vidricën, Bernard Metaliajn, Franc Kaloshin dhe Artan Muçmatën.

Gjithashtu, gjykata vendosi që atyre u ndalohet pjesëmarrja në protesta të tjera. Ata akuzohen se kanë hedhur molotov drejt godinës së bashkisë. 

Teksa po zhvillohej gjyqi për 4 protestuesit, jashtë ambienteve të gjykatës janë mbledhur edhe disa qytetarë, mes tyre edhe disa nga deputetët e Partisë Demokratike. 

Në protestën e thirrur nga opozita dhe Aleanca për Mbrojtjen e Teatrit, qytetarët kanë kërkuar dorëheqjen e kryebashkiakut Erion Veliaj, pas skandalit të korrupsionit me kompaninë 5D dhe arrestimit të drejtorëve dhe ish-drejtorëve të bashkisë.  Ndërkohë kjo protestë u shoqërua që nga nisja e saj me tensione, me dhjetëra koktejle molotovë të cilat u hodhën në hyrje të godinës së bashkisë. 

protesta para bashkise se tiranes gjykata e tiranes

Sondazh

Poll