Politike

Ambicia për mandate, Meta: S’ka më dualizëm dhe kakofoni drejtimi, do të ndërtohet një sistem matjeje kontributesh në kohë reale

Meta tha se nuk është kjo çështje më me rëndësi dhe shtoi se në këtë parti nuk do të ketë më dualizëm.

21 Prill 2024, 14:12 Nga M.B
Ambicia për mandate, Meta: S’ka më dualizëm dhe kakofoni
Ilir Meta

TIRANA- Kreu i Partisë së Lirisë, Ilir Meta ka marrë pjesë në një konferencë për shtyp ku u pyet se sa mandate synon në zgjedhjet e 2025-ës. Meta tha se nuk është kjo çështje më me rëndësi dhe shtoi se në këtë parti nuk do të ketë më dualizëm. 

“Kjo nuk është çështja më e rëndësishme. Çrrënjosja e këtij regjimi mafioz është beteja më e rëndësishme për Metën dhe PL. Fuqizimi i aksionit opozitar është me rëndësi, ndaj do të bëhemi shembull. Nuk ka më dualizëm në këtë forcë politike, kakofoni drejtimi dhe nuk ka më vlerësime në bazë të lidhjeve personale, nepotike apo krahinore. Do të ndërtohet një sistem matjeje kontributesh në kohë reale. Do të lejojmë lirinë e nënfraksioneve", tha Meta.

ilir meta

Sondazh

Poll