Bota

Sërish telashe për kompaninë Tesla, Cybertruck shfaq probleme me pedalin e gazit

Tërheqja prek 3,878 Cybertrucks, të cilat kushtojnë afërsisht 61,000 dollarë, të prodhuara midis nëntorit 2023 dhe prillit 2024.

19 Prill 2024, 18:01 Nga S.B
Sërish telashe për kompaninë Tesla, Cybertruck shfaq probleme me
Cybertruck

SHBA- Tesla, kompania e makinave elektrike në pronësi të Elon Musk, ka tërhequr mijëra Cybertrucks të rinj për shkak të shqetësimeve të sigurisë. Kjo është për shkak se pedalet e tyre të gazit aktualisht rrezikojnë të bllokohen nga dekorimi i brendshëm, duke rritur mundësinë e përplasjeve.

Tërheqja prek 3,878 Cybertrucks, të cilat kushtojnë afërsisht 61,000 dollarë, të prodhuara midis nëntorit 2023 dhe prillit 2024.

"Një pedale e gazit e bllokuar mund të shkaktojë që automjeti të përshpejtojë pa dashje, duke rritur rrezikun e një përplasjeje," shkroi Departamenti Amerikan i Transportit në një njoftim për tërheqjen.

Problemi vjen nga blloku i përshpejtuesit i cili, nëse shtyhet fort, mund të zhvendoset dhe më pas të bllokohet në pjesën e brendshme. Tesla zotohet se do ta rregullojë problemin pa pagesë.

Kompania e makinave elektrike mori dy ankesa për këtë çështje nga shoferët, më 31 mars dhe 4 prill. Kompania shkroi se nuk ka dijeni për ndonjë përplasje, lëndim apo vdekje në lidhje me këtë gjendje, që nga 15 Prilli.

Tërheqja e saj vjen në një moment të vështirë për kompaninë, e cila përballet me konkurrencë në rritje nga firmat rivale dhe ftohje të interesit për automjetet elektrike. Shitjet ranë ndjeshëm në tre muajt e parë të 2024, duke shkaktuar një rënie në çmimin e aksioneve të saj.

Tesla-s i është dashur gjithashtu të tërheqë miliona makina të saj në muajt e fundit për shkak të defekteve të sigurisë. Ajo tërhoqi mbi 1.6 milionë makina në Kinë në janar për shkak të shqetësimeve me softuerin e drejtimit dhe sistemet e mbylljes së dyerve.

tesla elon musk

Sondazh

Poll

MË SHUMË