Bota

Sulmi ndaj Iranit sot/ "SHBA nuk ka qenë e përfshirë në asnjë operacion", Blinken i shmanget pyetjes: Fokusi, mbrojtja e Izraelit

Blinken dënoi sulmin iranian ndaj Izraelit që ndodhi të shtunën, duke vënë në dukje se ishte i paprecedentë si në përmasa ashtu edhe në shkallë.

19 Prill 2024, 13:43 Nga M.B
Sulmi ndaj Iranit sot/ "SHBA nuk ka qenë e përfshirë në
Antony Blinken

ITALIA- Sekretari amerikan i Shtetit Antony Blinken ka mbajtur fjalën e tij në një konferencë gjatë takimit të G7 në Itali. Blinken dënoi sulmin iranian ndaj Izraelit që ndodhi të shtunën, duke vënë në dukje se ishte i paprecedentë si në përmasa ashtu edhe në shkallë. Ai vazhdon të theksojë se SHBA-ja ishte e përkushtuar ndaj sigurisë së Izraelit dhe uljes së konfliktit më të gjerë në Lindjen e Mesme.

Blinken thotë se G7 është gjithashtu e përkushtuar për të kërkuar llogari nga Irani, duke vënë në dukje se qeveria amerikane njoftoi dje më shumë sanksione ndaj Teheranit. Ai shtoi se G7 do të miratojë më shumë sanksione.

Pyetja e parë për Blinken kishte të bënte me sulmin e Izraelit ndaj Iranit dhe nëse SHBA-ja ishte njoftuar paraprakisht. Ai refuzon të përgjigjet, përveçse tha se SHBA-ja "nuk ka qenë e përfshirë në asnjë operacion sulmues". Ai shtoi se SHBA dhe G7 janë fokusuar në punën për të ulur tensionet dhe çdo konflikt të mundshëm.

Blinken ritheksoi se Izraeli ishte goditur nga një sulm i paprecedentë dhe se SHBA-ja është e fokusuar në të sigurohet që Izraeli të mund të mbrohet.

 

lufta ne lindjen e mesme

Sondazh

Poll