Aktualitet

Vodhën kamerat e sigurisë të një biznesi, arrestohen dy të shpallurit në kërkim në Librazhd 

Mësohet se dy persona përkatësisht të moshave 30 dhe 18 vjeç të shpallur në kërkim janë arrestuarpasi në bashkëpunim kanë vjedhur kamerat e sigurisë së një biznesi.

15 Prill 2024, 13:16 Nga S.B
Vodhën kamerat e sigurisë të një biznesi, arrestohen dy
foto ilustruese

ELBASAN- Arrestohen në flagrancë tre persona dhe procedohen në gjendje të lirë dy të tjerë në Elbasan për vepra të ndryshme penale. Mësohet se dy persona përkatësisht të moshave 30 dhe 18 vjeç të shpallur në kërkim janë arrestuar pasi në bashkëpunim kanë vjedhur kamerat e sigurisë së një biznesi.

Gjithashtu është arrestuar edhe një 39-vjeçar për drejtim të automjetit në gjendje të dehur. Dy persona janë proceduar në gjendje të lirë për veprat penale dëmtimi i rrethimit të një toke për motive pronësie si dhe përplasja e një automjeti me motomjet.

Njoftimi i Policisë:

Librazhd/Vodhën kamerat e sigurisë të një biznesi, kapen dhe vihen në pranga 2 shtetas.   

Shërbimet e Komisariatit të Policisë Librazhd, në vijim të punës për goditjen e paligjshmërisë në fushën e vjedhjes së pronës dhe pasurisë, identifikimin e autorëve të vjedhjeve dhe vënien e tyre përpara përgjegjësise ligjore, bazuar në inteligjencën informative, kanë kapur dhe vënë në pranga shtetasit e shpallur në kërkim E. H., 30 vjeç, banues në fshatin Rrajcë dhe K. A., 18 vjeç, banues në Prrenjas.

Këta shtetas ishin shpallur në kërkim pasi dyshohet se në bashkëpunim me njëri-tjetrin, më datë 10.04.2024, në fshatin Skënderbej, Prrenjas, kanë vjedhur kamerat e sigurisë të magazinës së një biznesi me bimë medicinale, në pronësi të një 30-vjeçari. 

Specialistët e Sektorit të Policisë Rrugore arrestuan në flagrancë shtetasin M. M., 39 vjeç, banues në Elbasan, pasi në aksin rrugor "Cërrik-Papër", u kap nga shërbimet e Policisë, duke drejtuar automjetin, në gjendje të dehur.

Po nga këta specialistë u referuan materialet në Prokurori ku nisi procedimi në gjendje të lirë për shtetasin S. B., 31 vjeç, banues në Elbasan, pasi ditën e djeshme, në autostradën "Elbasan-Tiranë", në fshatin Dopaj, motomjeti që ai drejtonte është përplasur me automjetin me drejtues shtetasin Z. L., 72 vjeç. Për pasojë është dëmtuar lehtë 31-vjeçari.  

Specialistët për Hetimin e Krimeve të Komisariatit të Policisë Gramsh referuan materialet në Prokurori ku nisi procedimi në gjendje të lirë për shtetasin B. K., 39 vjeç, banues në fshatin Qerret, Gramsh, pasi për motive pronësie, ka dëmtuar me automjet, rrethimin e jashtëm të një toke në pronësi të një 35-vjeçari. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

elbasan vepra penale

Sondazh

Poll

MË SHUMË