Bota

Lufta/ Biden: Mendoj se Netanyahu po bën gabim, nuk jam dakord me qasjen e tij

Presidenti amerikan shtoi se Gaza duhet të ketë qasje totale në të gjitha ushqimet dhe ilaçet për gjashtë deri në tetë javët e ardhshme. Javën e kaluar, ai paralajmëroi se mbështetja e vazhdueshme e SHBA-së për luftën varej nga lejimi i Izraelit për më shumë ushqime dhe ilaçe.

10 Prill 2024, 09:39 Nga M.B
Lufta/ Biden: Mendoj se Netanyahu po bën gabim, nuk jam dakord me qasjen e
Joe Biden dhe Benjamin Netanyahu

SHBA- Presidenti i SHBA, Joe Biden thotë se kryeministri izraelit Benjamin Netanyahu po bën një gabim në mënyrën se si po e trajton luftën në Gaza. Presidenti amerikan shtoi se Gaza duhet të ketë qasje totale në të gjitha ushqimet dhe ilaçet për gjashtë deri në tetë javët e ardhshme. Javën e kaluar, ai paralajmëroi se mbështetja e vazhdueshme e SHBA-së për luftën varej nga lejimi i Izraelit për më shumë ushqime dhe ilaçe.

“Unë mendoj se kjo që ai po bën është një gabim. Unë nuk jam dakord me qasjen e tij,” tha ai në një intervistë. 

“Ajo që unë po them është që izraelitët të bëjnë thirrje vetëm për një armëpushim, të lejojnë për gjashtë, tetë javët e ardhshme, akses të plotë në të gjitha ushqimet dhe ilaçet që shkojnë në vend”, tha Biden.

Izraeli ka mohuar pengimin e hyrjes ose shpërndarjes së ndihmave brenda Gazës dhe ka akuzuar agjencitë e OKB-së për dështimin për të marrë ndihmën që u lejohet njerëzve që kanë nevojë për të. Bisedimet javë të tëra kanë dështuar për të prodhuar një marrëveshje armëpushimi, por presioni ndërkombëtar po rritet.

lufta izrael-palestine

Sondazh

Poll

MË SHUMË