Bota

Shpërthimi i madh i yjeve do të shfaqet në qiellin e natës, ngjarje kjo që ndodh një herë në jetë

Sistemi binar i yjeve në konstelacionin Corona Borealis dhe Northern Crown normalisht është shumë i errët për tu parë me sy të lirë.

8 Prill 2024, 21:11 Nga E. D
Shpërthimi i madh i yjeve do të shfaqet në qiellin e natës,
foto ilustruese

SHBA- Nga tani deri në shtator, një shpërthim masiv 3,000 vite dritë larg nga Toka do të ndodhë në qiellin e natës, duke u dhënë astronomëve një shans tjetër për të dëshmuar këtë çudi hapësinore. Sistemi binar i yjeve në konstelacionin Corona Borealis dhe Northern Crown normalisht është shumë i errët për tu parë me sy të lirë. Por, çdo 80 vjet apo më shumë, shkëmbimet midis yjeve të konstelacionit ndezin një shpërthim bërthamor mjaft të dukshëm. Sipas NASA-s drita nga shpërthimi udhëton nëpër kozmos dhe e bën atë të duket sikur një yll i ri po aq i ndritshëm sa Ylli i Veriut. 

Kjo ngjarje për herë të parë u zbulua nga irlandezi John Birmingham në vitin 1866 dhe më pas u rishfaq në vitin 1946. Ndërsa, astromonomi i Universitetit Shtetëror të Arizonës, Sumner Starrfield, po punon në një hulumtim shkencor që e parashikon se çfarë do të mësojmë rreth shpërthimit nova që do përsëritet gjatë pesë muajve të ardhshëm.

“Novat normale shpërthejnë ndoshta çdo 100 mijë vjet”, tha Starrfield, duke theksuar se shpërthimi do ndodhë mes dy yjeve të njohur si xhuxhi i bardhë dhe gjiganti i kuq, të cilët kanë shumë diferencë në madhësi.

Sapo ngjarja qiellore të fillojë, teleskopi hapësinor James Webb do të jetë vetëm një nga sytë e shumtë që kthehen drejt qiellit. Por, ju nuk keni nevojë për një teknologji kaq të avancuar për të qenë dëshmitarë të kësaj ngjarje të rrallë, pasi mund ta shihni edhe me sy të lirë.

nasa

Sondazh

Poll

MË SHUMË