Bota

30 vite nga masakra me 800 mijë të vdekur, presidenti i Ruandës: Mos veprimi nga ndërkombëtarët krijoi një gjenocid

Ky reagim i Kagame ka ardhur teksa ruandezët të dielën përkujtuan 30 vjet që kur rreth 800,000 njerëz u vranë nga ekstremistët e mbështetur nga qeveria.

7 Prill 2024, 14:34 Nga N.F
30 vite nga masakra me 800 mijë të vdekur, presidenti i Ruandës:
Ceremonia përkujtimore

RUANDË-  Presidenti i Ruandës, Paul Kagame fajësoi mosveprimin e komunitetit ndërkombëtar për lejimin e gjenocidit të vitit 1994. Ky reagim i Kagame ka ardhur teksa ruandezët të dielën përkujtuan 30 vjet që kur rreth 800,000 njerëz u vranë nga ekstremistët e mbështetur nga qeveria.

Ruanda ka treguar rimëkëmbje të fortë dhe rritje ekonomike në vitet që pasuan, por plagët mbeten dhe ka pikëpyetje nëse është arritur pajtimi i vërtetë nën sundimin e gjatë të Kagame, lëvizja rebele e të cilit ndaloi gjenocidin dhe mori pushtetin. Ai është lavdëruar nga shumë për sjelljen e stabilitetit relativ, por është fyer nga të tjerët për intolerancën e tij ndaj mospajtimit shkruan AP.

Kagame drejtoi ngjarjet e zymta përkujtimore në kryeqytetin, Kigali. Vizitorët e huaj përfshinin një delegacion të kryesuar nga presidenti i SHBA, Bill Clinton gjatë gjenocidit dhe presidenti izraelit Isaac Herzog.

Vrasjet u ndezën kur një aeroplan që transportonte presidentin e atëhershëm Juvénal Habyarimana u rrëzua mbi Kigali. Tutsi u fajësuan për rrëzimin e aeroplanit dhe vrasjen e presidentit dhe u bënë objektiva të masakrave të udhëhequra nga ekstremistët Hutu që zgjatën mbi 100 ditë. 


Autoritetet e Ruandës kanë fajësuar prej kohësh komunitetin ndërkombëtar për injorimin e paralajmërimeve për vrasjet dhe disa liderë perëndimorë kanë shprehur keqardhje. Klinton, pas largimit nga detyra, përmendi gjenocidin e Ruandës si një dështim të administratës së tij. Presidenti francez Emmanuel Macron, në një video të pararegjistruar përpara ceremonive të së dielës, tha se Franca dhe aleatët e saj mund të kishin ndaluar gjenocidin, por nuk kishin vullnetin për ta bërë këtë.

ruabde gjenocid klinton macron

Sondazh

Poll

MË SHUMË