Bota

Macron: Nuk ka dyshim se Rusia do të synojë veprime keqdashëse në Lojërat Olimpike në Francë

Komentet Macron i bëri gjatë një ngjarje në Paris për inaugurimin e qendrës së re ujore të Lojërave Olimpike, ku shprehu shqetësimin e tij të qartë për kërcënimet e huaja për sigurinë ose mbarëvajtjen e lojërave.

4 Prill 2024, 13:35 Nga M.B
Macron: Nuk ka dyshim se Rusia do të synojë veprime keqdashëse
Presidenti francez Emmanuel Macron

PARIS– Presidenti francez Emmanuel Macron tha sot se nuk kishte dyshim se Rusia do të synonte më të keqen për lojërat Olimpike në Francë këtë verë. Komentet Macron i bëri gjatë një ngjarje në Paris për inaugurimin e qendrës së re ujore të Lojërave Olimpike, ku shprehu shqetësimin e tij të qartë për kërcënimet e huaja për sigurinë ose mbarëvajtjen e lojërave.

"Unë nuk kam asnjë dyshim, duke përfshirë edhe informacionin," tha Macron në përgjigje të pyetjes së një gazetari nëse ai mendonte se Rusia do të përpiqej të synonte të 'godasë' Olimpiadën.

Lojërat olimpike do të zhvillohen në një sfond kompleks global, me luftën e Rusisë në Ukrainë dhe konfliktin e Izraelit me Hamasin në Gaza që ndërlikojnë përpjekjet për të mbrojtur Olimpiadën. Macron në muajt e kaluar ka miratuar një qëndrim më të ashpër kundër Rusisë, duke u zotuar se Moska duhet të mposhtet dhe nuk ka përjashtuar që trupat evropiane mund të shkojnë një ditë në Ukrainë, megjithëse ai e ka bërë të qartë se Franca nuk ka ndërmend të nxitë armiqësi kundër Rusisë.

lojrat olimpike

Sondazh

Poll

MË SHUMË