Aktualitet

Inskenoi vdekjen e tij në Pukë, Davide Pecorelli dënohet me 4 vjet burg

Shqipëria ka kërkuar ekstradimin e tij, ndërsa kjo kërkesë do të shqyrtohet me 28 maj 2024 në Gjykatën e Apelit të Perugias, ndonëse nuk pritet të pranohet.

3 Prill 2024, 20:07 Nga r.ll
Inskenoi vdekjen e tij në Pukë, Davide Pecorelli dënohet me 4
davide pecorelli

SHKODËR- Gjykata e Shkodrës, ka dënuar ditën e sotme me 4 vite burg sipërmarrësin italian që inskenoj vdekjen e tij, Davide Pecorellin. Në mungesë të tij, Pecorelli ka qenë i përfaqësuar nga dy avokatët e tij Andrea Castori dhe Massimo Brazzi . Prokurori i çështjes ka kërkuar 12 vite burg, ndërkohë që gjyqtari i Shkodrës,Arbër Cela i ka dhënë 4 vite burgim i cili sipas gjyqtarit mund të pezullohet me kusht ose shndërruar në punë të dobishme shoqërore.

Shqipëria ka kërkuar ekstradimin e tij, ndërsa kjo kërkesë do të shqyrtohet me 28 maj 2024 në Gjykatën e Apelit të Perugias, ndonëse nuk pritet të pranohet. Vetë Davide Pecorelli është shprehur se shumë shpejt do të jetë në Shqipëri për të qartësuar  historinë që ai vetë inskenoj.

Davide Pecorelli u zhduk në janar të 2021 Pukë, ku gjet e djegur makina që ai kishte marrë me qira, brenda së cilës u gjetën edhe mbetje skeletore. E teksa autoritetet italiane dhe ato shqiptare u ngritën në këmbë për të mësuar se çfarë kishte ndodhur me biznesmenin, më 17 shtator ai u gjet shëndoshë e mirë. Kur të gjithë e dinin të vdekur, biznesmeni italian Davide Pecorelli, u shfaq për mrekulli shëndoshë e mirë në një gomone pranë ishullit Montecristo, duke tronditur jo pak e duke sjellë me vete edhe 'historinë' se ku kishte qenë dhe çfarë kishte bërë përgjatë 9 muajve që ishte shpallur i zhdukur.

davide pecorelli gjykata e shkodres

Sondazh

Poll