Bota

Nuk pranoi të largohej nga puna, policit serb i digjet makina në Mitrovicën e Veriut

Largimet e serbëve nga institucionet u nxitën nga mospajtimet që ata kishin lidhur me një vendim të Qeverisë së Kosovës lidhur me konvertimin e targave të makinave, nga ato të lëshuara nga Serbia në targa RKS, Republika e Kosovës.

3 Prill 2024, 11:03 Nga M.B
Nuk pranoi të largohej nga puna, policit serb i digjet makina në
Makina e djegur

KOSOVA- Një pjesëtarit të policisë kufitare të Kosovës, mëngjesin e 3 prillit, i është djegur vetura në Mitrovicë të Veriut. Lajmi u konfirmua për Radion Evropa e Lirë nga zëvendësdrejtori i policisë së Kosovës për rajonin Veri, Veton Elshani.

“Të mërkurën në orën 05:30 është djegur një veturë para një ndërtese. Nuk ka të dyshuar. Hetimi në vendngjarje ka përfunduar dhe hetimet janë duke vazhduar”, tha Elshani.

Radio Evropa e Lirë mëson se bëhet fjalë për një polic të nacionalitetit serb, i cili nuk ishte larguar nga puna në nëntor të vitit 2022, kur serbët në mënyrë masive u larguan nga institucionet e Kosovës. Largimet e serbëve nga institucionet u nxitën nga mospajtimet që ata kishin lidhur me një vendim të Qeverisë së Kosovës lidhur me konvertimin e targave të makinave, nga ato të lëshuara nga Serbia në targa RKS, Republika e Kosovës.

Në veriun e Kosovës, të banuar me shumicë serbe, edhe në të kaluarën janë regjistruar raste të djegieve të makinave dhe pronave. Muajin e kaluar u regjistruan dy djegie të pronave të serbëve në Kosovë. Një lokal, në pronësi të nënshkryetares së Zveçanit, Natasha Tomaniç, u dogj më 8 mars. Ajo, dhe autoritetet e sigurisë, thanë se zjarrvënia dyshohet se ishte e qëllimshme.

Ndërkaq, më 24 mars u dogj një objekt në pronësi të Nenad Radosavleviqit, drejtor i Drejtorisë për Sport, Rini dhe Kulturë në komunën që funksionon sipas sistemit të Kosovës. Radosavleviç i tha Radios Evropa e Lirë se beson që zjarrvënia ishte e qëllimshme dhe se motivi ishte politik./ REL

makine e djegur ne mitrovice

Sondazh

Poll

Bota 3 Prill 2024, 08:55 h.k

Krimi ekonomik në Gjermani po rritet

Foto ilustruese GJERMANI-Më shumë se një e treta e kompanive në Gjermani janë të prekura nga krimi ekonomik. Sipas një ...

MË SHUMË