Politike

Berisha: Vëllai i ka falur Olsit 36 mijë metër katrorë tokë për biznesin e tij, mban në arrest pronarin që ka marrë tokën e konfiskuar

Berisha tha se Olsi thoshte se po vuan aq shumë, sipas tij, se po ndërton stadiumin për të rinjtë e Europës që do të na vijnë këtu.

31 Mars 2024, 21:07 Nga M.B
Berisha: Vëllai i ka falur Olsit 36 mijë metër katrorë
Sali Berisha

TIRANA- Ish-kryeministri Sali Berisha, në fjalën e mbajtur para mbështetësve të tij mbrëmjen e sotme tha se vëllai i ka falur Olsi Ramës 36 mijë metër katrorë tokë për biznesin e tij, tokë tek ‘rrapi i Treshit’. Berisha tha se Olsi thoshte se po vuan aq shumë, sipas tij, se po ndërton stadiumin për të rinjtë e Europës që do të na vijnë këtu. Ai shtoi se është jetike në një farë mënyrë të dalim nga gjendja dhe të hidhemi në sulm me mosbindje civile.

Pjesë nga fjala e Berishës:

Miqtë e mi! Në traktin e tyre ‘fajin e ka Saliu’, Olsi përgjërohej se e votonte vëllaun pasi ai e meriton. A e dini ju o miq se vëllai i ka falur Olsit 36 mijë metër katrorë tokë për biznesin e tij, tokë tek ‘rrapi i Treshit’, ku Olsi na thoshte se po vuan aq shumë se po ndërton stadiumin për të rinjtë e Europës që do të na vijnë këtu. A thua se Olsi është shteti dhe ka detyra mbi detyrat e vëllait.

Çfarë është kjo mor, po ka vjedhje më të madhe se kjo. Ti japësh vëllai 38 mijë metër katrorë tokë të huaj. Po këtë se bën kush në Europë përveç teje dhe mban në arrest shtëpie pronarin që ka marrë 410 metër tokë të konfiskuar 60 vite më parë. Ti je një bandit që nuk ke moral dhe as ligj. Ndaj miqtë e mi është jetike në një farë mënyrë të dalim nga gjendja, të hidhemi në sulm me mosbindje civile.

sali berisha

Sondazh

Poll

MË SHUMË