Bota

Komandanti i lartë ukrainas: Kemi nevojë për më pak trupa sesa pritej për të përballuar luftën

Presidenti Volodymyr Zelensky tha në dhjetor se ushtria e tij kishte propozuar mobilizimin e deri në 500,000 ukrainas të tjerë në forcat e armatosura ndërsa Rusia rriti sulmet përgjatë vijës së frontit prej 1,000 km (621 milje).

29 Mars 2024, 10:57 Nga M.B
Komandanti i lartë ukrainas: Kemi nevojë për më pak trupa
Komandanti i Përgjithshëm i Forcave të Armatosura të Ukrainës, Gjeneral Koloneli Oleksandr Syrskyi merr pjesë në një takim me presidentin e Ukrainës Volodymyr Zelenskiy dhe komandantët e lartë ushtarakë të sapoemëruar, në mes të sulmit të Rusisë ndaj Ukrainës, në Kiev, Ukrainë, 10 shkurt 2024.


UKRAINA- Komandanti i përgjithshëm ukrainas, Oleksandr Syrskyi, deklaroi sot se ushtria e tyre do të duhet të mobilizojë më pak njerëz sesa pritej fillimisht për të shmangur pushtimin rus. Presidenti Volodymyr Zelensky tha në dhjetor se ushtria e tij kishte propozuar mobilizimin e deri në 500,000 ukrainas të tjerë në forcat e armatosura ndërsa Rusia rriti sulmet përgjatë vijës së frontit prej 1,000 km (621 milje). Komandanti Syrskyi, i cili u emërua muajin e kaluar, tha në një intervistë me mediat ukrainase se shifra ishte "ulur ndjeshëm" pas një rishikimi të burimeve.

"Ne presim që do të kemi mjaft njerëz të aftë për të mbrojtur atdheun e tyre. E kam fjalën jo vetëm për të mobilizuarit por edhe për luftëtarët vullnetarë”, tha ai.

Syrskyi shtoi se një auditim i njësive jo luftarake i kishte lejuar planifikuesit ushtarakë të dërgonin "mijëra" pjesëtarë të shërbimit në front dhe se rolet e mbështetjes luftarake ishin "po aq të rëndësishme" në përpjekjet mbrojtëse të Kievit.

“Lufta që ne jemi të detyruar të bëjmë kundër pushtuesve rusë është një luftë rrënimi, një luftë logjistike. Prandaj, rëndësia e efektivitetit të njësive të pasme nuk mund të nënvlerësohet", tha ai.

lufta rusi-ukraine

Sondazh

Poll

MË SHUMË