Sport

VIDEO/ Dani Alves sërish në gjykatë për t’u paraqitur, pasi ka marrë lirinë me kusht…

Futbollisti është i detyruar të paraqitet në gjykatë çdo javë

28 Mars 2024, 11:15 Nga DOSJA

VIDEO/ Dani Alves sërish në gjykatë për t’u paraqitur,

SPANJE - Dani Alves ka shkuar në Gjykatës Provinciale të Barcelonës mëngjesin e kësaj të enjte. Futbollisti brazilian është në lirim të përkohshëm, pasi u dënua me katër vjet e gjysmë burg për përdhunim dhe duhet të paraqitet çdo javë. Kjo zakonisht caktohet për ditën e premte, por me këtë rast ai e ka ardhur një ditë, pasi nesër është ditë pushimi në Spanjë.

Futbollistit, krahas kësaj mase paraprake, i është dashur të dorëzojë edhe dy pasaportat, atë spanjole dhe braziliane, për të ulur rrezikun e arratisjes. Dani Alves gjithashtu nuk do të jetë në gjendje t'i afrohet viktimës më shumë se një kilometër dhe as nuk mund ta kontaktojë atë me asnjë mjet. Dënimi nuk është përfundimtar, pasi një apel është duke u zhvilluar në Gjykatën e Lartë të Katalonjës.

Imazhi i Dani Alves duke shkuar në gjykatat e Barcelonës mund të bëhet diçka e zakonshme për shumë muaj. Në fakt, çështja do të ketë një vendim përfundimtar deri në një vit nga kjo datë, pasi çështja mund të arrijë, nëse palët e konsiderojnë këtë, deri në Gjykatën e Lartë. Braziliani ndodhet në shtëpinë e tij në Esplugues dhe nuk mund të largohet nga territori kombëtar.

VIDEO/ Dani Alves sërish në gjykatë për t’u paraqitur,

Futbollisti u shfaq me një fytyrë serioze, i veshur me një xhaketë kafe të çelur dhe një këmishë e pantallona të bardha dhe u tha mirëmëngjes agjentëve të Mossos d'Esquadra.  Inés Guardiola, avokatja e lojtarit, e ka shoqëruar atë në këtë procedurë burokratike. Është hera e parë që Dani Alves paraqitet në Gjykatën e Barcelonës, pasi gjykata i dha atij lirinë e përkohshme me kusht prej një milion eurosh , më 20 mars.

Vizita e Dani Alves në gjykatën e Barcelonës mezi zgjati rreth dhjetë minuta. Futbollisti shoqërohej, përveç avokatit të tij, edhe nga miku i tij Bruno Brasil, i cili drejtonte makinën. Bruno ishte me futbollistin natën e përdhunimit, 30 dhjetor 2022 në klubin e natës Sutton në Barcelonë dhe dëshmoi në gjyq. Ai ka qenë një nga personat që e ka mbështetur më shumë Alves në këtë proces. Në pamjet e kapura nga kamerat dëgjohen thirrjet “përdhunues” në drejtim të lojtarit.

B.T (Dosja.al)

Sondazh

Poll

Sport 28 Mars 2024, 09:30

Ligue 1 zbulon logon e saj të re…

FRANCE - Ndërsa pushimi ndërkombëtar sapo ka përfunduar, kampionatet po përgatiten të bëjnë rikthimin. Mëngj...

MË SHUMË