Aktualitet

Me 1 kg drogë në mjet, i riu tentoi t'i largohet kontrollit duke përplasur makinën e policisë, efektivi në Tiranë e plagos me armë (EMRI)

Enea Sulejmani ka marrë plagë në këmbë dhe është dërguar menjëherë në spitalin e Traumës.

22 Mars 2024, 07:38 Nga r.ll
Me 1 kg drogë në mjet, i riu tentoi t'i largohet kontrollit duke
makina e te riut

TIRANË- Një operacion antidrogë i zhvilluar mbrëmjen e djeshme në kryeqytet ka përfunduar me plagosjen e një trafikanti 30 vjeçar. Ky i fundit u plagos me armë nga një efektiv pasi, duke iu shmangur kontrollit të makinës tentoi tju përplasë automjetin.

Enea Sulejmani ka marrë plagë në këmbë dhe është dërguar menjëherë në spitalin e Traumës, ku ndodhet jashtë rrezikut për jetën. Pas kontrollit, në automjet i është gjetur një pako me lëndë narkotike dhe me peshë rreth 1 kilogram. 

NJOFTIMI I POLICISË:

Tiranë

Sot më datë 21.03.2024, në vendin e quajtur rruga “Mihal Duri”, gjatë një operacioni policor të strukturës për Hetimin e Narkotikëve në DVP Tiranë, kanë qenë duke kryer veprime operacionale në kuadër të procedimit penal nr. 496 te vitit 2024, veprime të autorizuara nga organi i Prokurorisë Rrethit Gjyqësor Tiranë.

Gjatë momentit që stuktura operacionale ka tentuar të ndalojë automjetin tip "Volkswagen Tiguan" me ngjyrë të bardhë me targë AB 780 MP, drejtuesi i automjetit nuk i është bindur urdhrave të policisë për të ndaluar dhe ka ecur mbrapsht duke rrezikuar jetën e punonjësve të policisë dhe duke përplasur me qëllim shmangien automjetin e sherbimit të policisë.

Gjatë tentativës për t'u larguar një nga punonjësit e policisë ka qëlluar me armë në drejtim të automjetit dhe për pasojë është plagosur shtetasi E. S., i cili është dërguar menjëherë në spitalin e traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.

Në automjet janë konstatuar dhe dy persona të tjerë të cilët janë shoqëruar në ambientet e DVP Tiranë.

Në automjet është konstatuar një pako me peshë rreth 1 kg brenda së cilës dyshohet se lende narkotike kokainë.

Janë njoftuar strukturat e AMP-se të cilat do të kryejnë veprimet hetimore nën drejtimin e Prokurorisë së Juridiksionit të Përgjithshëm Tiranë për sqarimin e rrethanave të ngjarjes.

AMP, pas kryerjes së veprimeve të para në vendngjarje dhe sqarimit të të gjitha rrethanave do të bëjë njoftim të plotë mbi këtë ngjarje.

enea sulejmani policia e tiranes

Sondazh

Poll