Politike

"Zgjedhorja", Bardhi: Përgjegjës ata që e bllokuan prej 2 vitesh, t'i japim qytetarëve reformë jo tallje

Bardhi tha se duhet nxitur dialogu politik që shqiptarëve tu jepet reforma e duhur dhe jo një tallje sipas tij me teza jeniçerësh.  

21 Mars 2024, 10:40 Nga r.ll
 
"Zgjedhorja", Bardhi: Përgjegjës ata që e bllokuan prej
gazment bardhi

TIRANË- Kreu i Grupit Parlamentar të PD-së, Gazment Bardhi tha se për skadimin e komisionit të Reformë Zgjedhore duhen mbajtur përgjgjës ata që bllokuan prej dy vitesh. 

Bardhi tha se duhet nxitur dialogu politik që shqiptarëve tu jepet reforma e duhur dhe jo një tallje sipas tij me teza jeniçerësh.  

"Nuk kemi vendosur paqe se nuk ishim në luftë, ishim dy palë të ndryshme. Ju në shkelje të Kushtetutës për të shkelur opozitën dhe opozita në mbrojtje të të drejtave të saj. Qendrimi ynë ka qenë që ditën e parë që donim një jetë normale në Kuvend,. Kur ju nxisnin opozitën të bojkotonte Kuvendin dhe digjte mandatet ka marrë fund. Sot përballemi me cdo mjet e formë. Sa i përket Reformës Zgjedhore. Në korrik e shtator 2023 kërkuam që të mbahen përgjegjës ata që e bllokuan. Kishte një Pazar që në limitet e kohës të zgjedhjeve të ardhshme të mos kishim zgjedhje të lira e të ndershme. Shqiptarët presin që vota të mos ndryshohet nga krimi, paratë e korrupsionit të kësaj qeverie. Në skadim të këtij komisioni të turpshëm, ky Kuvend sot duhet t’i mbajë përgjegjës nga i pari tek i fundit dhe duhet të nxisë dialogun politik që t’i japim shqiptarëve një reformë të saktë e jo një tallje me teza jeniçerësh që kthehen sa herë dikush ka nevojë të bëhet deputet." tha Bardhi.

gazment bardhi seance plenare 21 mars 2024

Sondazh

Poll

MË SHUMË