Bota

Nënshkruhet marrëveshja e bashkëpunimit strategjik BE-Egjipt, çilat fusha përfshin?

Në menaxhimin e migracionit, BE dhe Egjipti do të bien dakord për një qasje gjithëpërfshirëse që përfshin trajtimin e shkaqeve të migracionit të paligjshëm, nëpërmjet zhvillimit dhe mbështetjes së punësimit të të rinjve, por edhe përmes luftës kundër rrjeteve të trafikantëve, mbrojtjes së kufijve dhe sigurimit të kthimit. 

17 Mars 2024, 09:03 Nga r.ll
Nënshkruhet marrëveshja e bashkëpunimit strategjik BE-Egjipt,
ursula von der leyen dhe abdel fattah al-sisi

BRUKSEL- Forcimi i marrëdhënieve politike, mbështetja e stabilitetit ekonomik të Egjiptit, mbështetja e bujqësisë janë disa nga fushat që mbulon Deklarata e Përbashkët BE - Egjipt që do të nënshkruhet sot në Kajro nga presidentja e Komisionit Evropian Ursula von der Leyen dhe presidenti i Egjiptit Abdel Fattah al-Sisi. 

Në nënshkrimin e marrëveshjes do të jetë i pranishëm edhe kryeministrat e Greqisë, Italisë dhe Belgjikës. Me deklaratën e përbashkët, BE-ja përmirëson nivelin e marrëdhënieve të saj me Egjiptin në një Partneritet Gjithëpërfshirës dhe Strategjik. Tashmë, marrëdhëniet mes dy palëve janë të ngushta dhe Marrëveshja e Asocimit BE-Egjipt (2004) mbush 20 vjet këtë vit. 

Objektivat e Marrëdhënieve Gjithëpërfshirëse dhe Strategjike BE-Egjipt janë të forcojë marrëdhëniet politike (promovimi i demokracisë, liritë themelore dhe të drejtat e njeriut), të mbështesë stabilitetin ekonomik të Egjiptit, në veçanti stabilitetin makroekonomik dhe zhvillimin e qëndrueshëm, të mbështesë investimet dhe tregtinë, si për shembull në fushën e burimeve të rinovueshme të energjisë apo dixhitalizimi. Objektivat përfshijnë edhe mbështetjen e bujqësisë, sigurinë ujore, me garanci nga Fondi Evropian për Zhvillim të Qëndrueshëm dhe Plani i Investimeve Ekonomike.

Organizimi i Konferencës së Investimeve BE-Egjipt është planifikuar të mbahet në fund të vitit. Fushat strategjike të bashkëpunimit BE-Egjipt përfshijnë energjinë, me thellimin e skemave ekzistuese të bashkëpunimit, si ndërlidhja elektrike Greqi-Egjipt (GREGY Interconnector), si dhe Migracioni dhe Lëvizshmëria. Në menaxhimin e migracionit, BE dhe Egjipti do të bien dakord për një qasje gjithëpërfshirëse që përfshin trajtimin e shkaqeve të migracionit të paligjshëm, nëpërmjet zhvillimit dhe mbështetjes së punësimit të të rinjve, por edhe përmes luftës kundër rrjeteve të trafikantëve, mbrojtjes së kufijve dhe sigurimit të kthimit. 

 

 

be egjipt

Sondazh

Poll

MË SHUMË