Bota

"Lufta dhe paqja"/ Scholz, Macron dhe Tusk takohen sot në Berlin, në fokus Ukraina

Në vend të kësaj, idea e presidentit francez Emmanuel Macron për të mos përjashtuar dërgimin e trupave perëndimore në Ukrainë, solli kundërshtimin e menjëhershëm nga Scholz, duke theksuar qasjet e ndryshme midis dy fuqive.

15 Mars 2024, 07:45 Nga M.B

 

"Lufta dhe paqja"/ Scholz, Macron dhe Tusk takohen sot në Berlin,
Macron, Scholz dhe Tusk

BERLIN- Kancelari gjerman Olaf Scholz do të presë sot në Berlin homologët e tij francezë dhe polakë në një përpjekje për të projektuar unitetin evropian për mbështetjen për Ukrainën pas disa javësh fërkime mes aleatëve. Macron pritet të mbërrijë rreth mesditës për një takim dypalësh me Scholz, para ardhjes së Tusk, rreth orës 14:00 me orën lokale. Të tre liderët do të bëjnë deklarata përpara se të zhvillojnë takimin e përbashkët.

Një samit i organizuar në Paris muajin e kaluar kishte si qëllim t'i jepte një shtysë të re përpjekjeve të ngadalësuara perëndimore për të ndihmuar Ukrainën të zmbrapsë pushtimin rus në shkallë të plotë që ka hyrë në vitin e tretë. Në vend të kësaj, idea e presidentit francez Emmanuel Macron për të mos përjashtuar dërgimin e trupave perëndimore në Ukrainë, solli kundërshtimin e menjëhershëm nga Scholz, duke theksuar qasjet e ndryshme midis dy fuqive.

Diplomatët në union thonë se përplasja evropiane vjen pasi mbështetja e SHBA-së për Ukrainën po dobësohet, duke theksuar një vakum të lidershipit perëndimor që rrezikon të inkurajojë më tej presidentin rus Vladimir Putin. Përplasjet franko-gjermane nuk janë asgjë e re, por niveli aktual i mosmarrëveshjes ka alarmuar zyrtarët në Kiev dhe në të gjithë kontinentin. Dy liderët po dërgojnë mesazhe strategjike shumë të ndryshme. Macron tingëllon më "armik" këto ditë, ndërsa mbështetësit e Scholz, e paraqesin atë si një "kancelar paqeje" që do të shmangë çdo përshkallëzim drejt një lufte midis NATO-s dhe Rusisë.

 

scholz macron tusk

Sondazh

Poll

MË SHUMË