Bota

"Po prisnin ndihmat"/ Ministria e Shëndetësisë në Gaza: 20 të vrarë dhe 155 të plagosur nga bombardimet izraelite

Ushtria izraelite ka mohuar se qëndron pas sulmit dhe ka thënë se është duke e vlerësuar incidentin.

15 Mars 2024, 07:09 Nga E. D

 

"Po prisnin ndihmat"/ Ministria e Shëndetësisë në
fotot ilustruese

GAZA- Ministria e shëndetësisë e Gazës thotë se të paktën 20 njerëz u vranë dhe 155 u plagosën nga bombardimet izraelite teksa prisnin ndihmë të enjten. Ushtria izraelite ka mohuar se qëndron pas sulmit dhe ka thënë se është duke e vlerësuar incidentin. Numri i të vdekurve pritet të rritet pasi viktimat janë ende duke u transferuar në spital, sipas Mohammad Ghrab, një mjek në njësinë e urgjencës në Spitalin Al Shifa. 

Më herët, një dëshmitar në vendngjarje tha se dhjetëra njerëz kishin vdekur. Ministria e shëndetësisë tha se incidenti ishte kryer nga forcat izraelite që synonin të godisnin një grumbullim qytetarësh që prisnin ndihmë humanitare në Gaza. 

“Ekipet mjekësore nuk janë në gjendje të merren me vëllimin dhe llojin e lëndimeve që arrijnë në spitalet në veri të Gazës për shkak të aftësive të dobëta mjekësore dhe njerëzore”, tha ministria.

Sulmi ndodhi në një sfond urie ekstreme dhe varfërie për shkak të kufizimeve të ashpra të Izraelit për ndihmën që hyn në Gaza, ku më shumë se gjysmë milioni njerëz janë në prag të urisë, sipas agjencive të OKB-së. Rrethrrotullimi i Kuvajtit në qytetin e Gazës është bërë i njohur si një zonë ku kamionët e ndihmave shpërndajnë ushqim, duke tërhequr turma njerëzish të dëshpëruar për furnizime. 

“Raportet se IDF-ja sulmoi dhjetëra banorë të Gazës në një pikë të shpërndarjes së ndihmave janë të rreme”, thuhet në deklaratë nga ana e Izraelit.

 

lufta në gaza

Sondazh

Poll

MË SHUMË