Bota

Gjigandi i energjisë në Arabinë Saudite rrit pagesat për askionerët, edhe pse fitimet e saj kanë rënë

Firma tha se po rriste pagesat e saj për aksionerët dhe po kërkonte mundësi për të investuar në Kinë. Dividentët do të rriten në 98 miliardë dollarë, një rritje prej pothuajse një të tretës krahasuar me vitin 2022, kur ajo arriti një fitim rekord prej 161 miliardë dollarësh, falë ndikimit që pati lufta e Rusisë në Ukrainë në çmimet e energjisë.

10 Mars 2024, 13:48 Nga S.N
Gjigandi i energjisë në Arabinë Saudite rrit pagesat për
Foto Ilustrim

ARABI SAUDITE- Gjigandi i energjisë Saudi Aramco ka raportuar një rënie të madhe të fitimeve, pasi uli prodhimin dhe çmimet e naftës ranë ndjeshëm në 2023. Fitimet e tij ranë 25% nga 121 miliardë dollarë fitime nga viti rekord në 2022. Por kjo shifër është ende fitimi i dytë më i lartë ndonjëherë për kompaninë e mbështetur nga shteti.

Firma tha se po rriste pagesat e saj për aksionerët dhe po kërkonte mundësi për të investuar në Kinë. Dividentët do të rriten në 98 miliardë dollarë, një rritje prej pothuajse një të tretës krahasuar me vitin 2022, kur ajo arriti një fitim rekord prej 161 miliardë dollarësh, falë ndikimit që pati lufta e Rusisë në Ukrainë në çmimet e energjisë. Çmimet e naftës arritën në 130 dollarë për fuçi në vitin 2022.

Shteti saudit zotëron gati 95% të kompanisë, kështu që fitimet e para rezultuan në një suficit buxhetor për mbretërinë në 2022. Në vitin 2023 çmimet e naftës ranë përsëri në 85 dollarë për fuçi. Për më tepër, Saudi Aramco ka ulur prodhimin për të ndihmuar në mbështetjen e çmimit të naftës, duke ofruar një sfidë të mëtejshme për fitimet.

"Në vitin 2023 arritëm të ardhurat tona të dyta më të larta neto ndonjëherë. Elasticiteti dhe shkathtësia jonë kontribuan në flukse të shëndetshme parash dhe nivele të larta përfitimi, pavarësisht nga një sfond i erërave të kundërta ekonomike," tha në një deklaratë shefi ekzekutiv i Aramco-s, Amin Nasser.

Arabia Saudite po synon të diversifikojë ekonominë e vendit, duke përdorur të ardhurat nga sektori i saj energjetik për të financuar tranzicionin. Nasser tha se firma do të bëjë disa njoftime këtë vit për investimet e burimeve të rinovueshme në Arabinë Saudite. Por ai tha gjithashtu se gjigandi i naftës po kërkonte mundësi për të investuar në Kinë, ku kërkesa për naftë po rritej.

“Deri më tani jemi në fillim të vitit 2024, kërkesa është e shëndetshme dhe në rritje në Kinë”, u tha Nasser gazetarëve.

Saudi Aramco tashmë ka investime në rafineritë kineze. Ai tha se pret që tregu i naftës të jetë mjaft i fuqishëm në 2024 me kërkesë pak më të lartë se vitin e kaluar.

Ai tha gjithashtu se po zhvilloheshin diskutime mbi një aksion në lidhjen me prodhuesin francez të makinave Renault dhe Geely të Kinës, të cilët prodhojnë motorë makinash hibride.

arabia saudite saudi aramco

Sondazh

Poll

MË SHUMË