Bota

Prodhuesi i Ozempic zbulon pilulën për humbjen e peshës, vlera e kompanisë tejkalon atë të Tesla

8 Mars 2024, 21:08 Nga S.B

Prodhuesi i Ozempic zbulon pilulën për humbjen e peshës, vlera e

Foto ilustruese

SHBA- Një pilulë e re për humbje peshe e bërë nga prodhuesi i Ozempic, bën të mundur humbjen e peshës dy herë më shpejt se injeksionet. Në një provë të ilaçit të ri, të quajtur amyretin, pacientët humbën 13 për qind të peshës së tyre trupore gjatë 12 javëve - krahasuar me 6 për qind që Wegovy arriti gjatë të njëjtës periudhë kohore.

Rezultatet e çuan Novo Nordisk në renditjen e kompanisë së 12-të më të vlefshme me një vlerësim prej 566 miliardë dollarësh, duke tejkaluar atë të Tesla dhe Visa. Aksionet e kompanisë u rritën më shumë se tetë për qind në Kopenhagë dhe vlera e saj totale tani tejkalon të gjithë prodhimin vjetor të Danimarkës.

Prova e pilulës, e cila është në vazhdim e sipër dhe pritet të prodhojë një pamje më të plotë vitin e ardhshëm, ishte një lajm i mirëpritur për investitorët e etur për të prezantuar gjeneratën e ardhshme të mjekësisë për obezitetin. Ilaçi është i ngjashëm me Wegovy dhe ilaçin e tij Ozempic, i miratuar fillimisht vetëm për trajtimin e diabetit të tipit 2, por tani përdoret jashtë etiketës për obezitetin.

Ai synon të njëjtin hormon GLP-1, ose peptid-1 të ngjashëm me glukagonin, një hormon në tru që rregullon oreksin dhe ndjenjën e ngopjes. Përveç kësaj, stimulon një hormon tjetër, amilin, i cili gjithashtu redukton urinë dhe ngadalëson zbrazjen e stomakut.

Ardhja e një alternativë shumë efektive të pilulës ditore ndaj injeksioneve ka të ngjarë të lehtësojë problemet e zinxhirit të furnizimit dhe vonesat në marrjen e ilaçeve në duart e pacientëve. Kompania bëri një marrëveshje prej 11 miliardë dollarësh muajin e kaluar për të blerë tre fabrika ku do të prodhohen Wegovy dhe Ozempic.

ozempic ulje ne peshe obeziteti