Ekonomi

Rregullorja e re për tërheqjen e parakohshme nga fondet e pensioneve, ulen penalitetet, afati kufizohet deri në 10 vite

Diferenca mes rregullores së re dhe ekzistueses është në nenin që i referohet përllogaritjes së penaliteteve në rastin e tërheqjes së parakohshme nga fondi i pensionet privat.

6 Mars 2024, 14:25 Nga M.B
Rregullorja e re për tërheqjen e parakohshme nga fondet e pensioneve,
Foto ilustruese

TIRANA- Autoriteti i Mbikëqyrjes Financiare (AMF) ka nxjerrë për konsultim publik rregulloren e re “Për përcaktimin e penaliteteve të zbatuara në rastin e tërheqjes së parakohshme nga fondi i pensionit privat”, në zbatimit të ligjit të ri për fondet e pensioneve private. Diferenca mes rregullores së re dhe ekzistueses është në nenin që i referohet përllogaritjes së penaliteteve në rastin e tërheqjes së parakohshme nga fondi i pensionet privat.

Kështu, në nenin 4 te rregullores së re specifikohet se “Shoqëria administruese i mban individit jo më shumë se 15% të aktiveve të tërhequra, për çdo tërheqje të parakohshme të kryer në periudhën kohore nga data e kontributit të parë, deri në 5 vjet, përfshirë edhe vitin e 5-të. Kjo masë penaliteti do të zbatohet për shoqëritë administruese të cilat aplikojnë një tarifë vjetore administrimi deri në 1.5 % të vlerës neto të aktiveve të fondit. Në rastet kur tarifa vjetore e administrimit është mbi 1.5 % deri në 2.5% të aktiveve, masa e penalitetetit do të jetë jo më shumë se 10% e aktiveve të tërhequra.”

Në rastet e tërheqjeve të parakohshme të kryera në intervalin nga 5 deri në 10 vite si anëtar i fondit të pensionit, përfshirë këtu edhe vitin e dhjetë, rregullorja e re e AMF specifikon që penaliteti do të jetë jo më shumë se 10% e aktiveve të tërhequra. Në rastet kur tarifa vjetore e administrimit është mbi 1.5 % deri në 2.5% të aktiveve, masa e penalitetetit do të jetë jo më shumë se 5% e aktiveve të tërhequra. Në rregulloren e re, penalitetet do të llogariten deri në vitin e dhjetë të anëtarësisë në fond, pra përtej këtij afati, për anëtarin nuk do të ketë penalitete për tërheqjet e parakohshme. Në rregulloren aktuale, e cila është ende në fuqi, deri në miratimin e të resë, penalitetet llogariten si më poshtë:

Shoqëria Administruese përcakton penalitetin në rastin e tërheqjes së parakohshme brenda kufijve të mëposhtëm: Bazuar në rregulloren e re, anëtarit i lind e drejta të mos paguajë penalitet në rastin e tërheqjes së parakohshme, nëse shoqëria administruese nuk e ka informuar për kushtet dhe masën e penalitetit, sipas parashikimeve të ligjit dhe kësaj rregulloreje./ Monitor

pensionet

Sondazh

Poll

MË SHUMË